Праваслаўныя могілкі (Гродна)

Праваслаўныя могілкі (Старыя, Рускія, Сафійскія, Іерусалімскія, могілкі па Антонова) - даўнія могілкі праваслаўнай грамады Гродна. Тэрыторыя могілак абмежавана вуліцамі Прыгараднай, Белуша, прыватнай забудовай па вуліцы Падольнай і 4-м завулкам Падольным. На іншым баку завулка размешчаны каталіцкія Фарныя могілкі.

Гісторыя

Былі закладзены на пачатку XIX ст. Могілкі моцна пацярпелі падчас баёў у 1915, 1939, 1944. Закрыты ў 1973.

У другой палове XIX ст. тут была пабудавана Царква прападобнай Марфы — помнік архітэктуры позняга класіцызму. У 1890 г. пры браме на грошы мешчаніна С. Талочкі была пабудавана капліца ў гонар Уваскрасення Хрыстова.

У 1957 на магіле ста дваццаці савецкіх ваеннапалонных пастаўлены помнік. У 1958 помнік з'явіўся на магіле пяцісот сямідзесяці воінаў, партызан і мірных жыхароў, якія загінулі ў Вялікую Айчынную вайну. У 1959 скульптура воіна пастаўлена на магіле, дзе пахаваны астанкі чатырыста дзевяноста савецкіх салдат, якія загінулі ў баях у ліпені 1944.

Вядомыя асобы, пахаваныя на могілках

• Марыя Багдановіч (Мякота) — маці Максіма Багдановіча,
• Я. Арлоўскі — гісторык;
• М. Дзмітрыеў — этнограф;
• П. Кавалеўскі — філолаг;
• В. Ф. Нябольсін — архітэктар;
• Раманаў — архітэктар;
• К. Кемарскі — медык;
• А. Райпольскі — медык;
• епіскап Ігнацій (Жалязоўскі);
• Міхась Васілёк (сапр. Міхаіл Восіпавіч Касцевіч) (1905—1960) — беларускі паэт.

Спасылкі

• «Ад Каложы да Фартоў»
• В. Н. Черепица. ГРОДНЕНСКИЙ ПРАВОСЛАВНЫЙ НЕКРОПОЛЬ (С ДРЕВНЕЙШИХ ВРЕМЕН ДО НАЧАЛА XX ВЕКА)