Перайсці да зместу

БелНДПІэнергапрам

Дадаць спасылкі
З Вікіпедыі, свабоднай энцыклапедыі
БелНДПІэнергапрам
Дата заснавання 1952
Тып рэспубліканскае ўнітарнае прадпрыемства
Дырэктар Віктар Уладзіміравіч Юшкевіч[1]
Размяшчэнне  Беларусь, Мінск
Юрыдычны адрас вул. Раманаўская Слабада, 5а
Сайт belnipi.by

БелНДПІэнергапрам (поўная назва — Праектнае навукова-даследчае рэспубліканскае ўнітарнае прадпрыемства «БелНДПІэнергапрам») — беларуская праектная арганізацыя ў галіне энергетыкі. Размяшчаецца ў Мінску па вул. Раманаўская Слабада, 5а.

Гісторыя

[правіць | правіць зыходнік]

Утворана пастановай Савета Міністраў БССР ад 19 лютага 1952 года № 189 як Мінскае аддзяленне Усесаюзнага праектнага інстытута «Прамэнергапраект» на базе праектнай канторы трэста «Белэнергапраектбуд»[2].

22 сакавіка 1974 года загадам Міністэрства энергетыкі і электрыфікацыі СССР ператворана ў Беларускае аддзяленне «УНДПІэнергапрам». 26 сакавіка 1991 года рэарганізавана ў Дзяржаўны Беларускі навукова-даследчы праектна-канструктарскі інстытут «БелУНДПІэнергапрам»[2].

9 чэрвеня 1992 года перайменавана ў Беларускі навукова-даследчы праектна-канструктарскі энергетычны інстытут «БелНДПІэнергапрам». З 9 снежня 1996 года дзейнічала як дзяржаўнае прадпрыемства «БелНДПІэнергапрам». Сучасную назву прадпрыемства атрымала загадам канцэрна «Белэнерга» ад 23 мая 2000 года № 74[2].

Дзейнасць

[правіць | правіць зыходнік]

Прадпрыемства ажыццяўляе комплекснае праектаванне энергетычных аб'ектаў і цеплавых сетак, распрацоўку тэхнічнай дакументацыі, абгрунтаванне інвестыцый і аўтарскі нагляд[3].

Асноўныя напрамкі дзейнасці[3]:

  • Праектаванне цеплавых электрастанцый (ЦЭЦ, ДРЭС), кацельняў, магістральных цеплавых сетак.
  • Распрацоўка схем цеплазабеспячэння рэгіёнаў і прамысловых вузлоў.
  • Праектаванне гідраэлектрастанцый і водазаборных сістэм.
  • Ацэнка ўздзеяння энергакрыніц на навакольнае асяроддзе і складанне экалагічных пашпартоў.
  • Распрацоўка, мантаж і наладка АСК ТП энергакрыніц.
  • Укараненне парагазавых тэхналогій і сістэм рэгулявання напружання.

Па праектах прадпрыемства пабудавана і ўведзена ў эксплуатацыю 49 ЦЭЦ рознай магутнасці, 234 турбаагрэгаты сумарнай магутнасцю больш за 7884 МВт, 15 газавых турбін, 12 ПГУ, 261 энергетычны кацёл і 840 км цеплавых сетак[3].

Праекты ў Беларусі

[правіць | правіць зыходнік]

Па праектах інстытута пабудавана, мадэрнізавана і рэканструявана больш за 30 электрастанцый у Беларусі, у тым ліку[4]:

Прадпрыемства выконвала работы па выбары пляцоўкі, абгрунтаванні інвестыцый і ацэнцы ўздзеяння на навакольнае асяроддзе для Беларускай АЭС, а таксама праектавала вытворчую базу і пажарнае дэпо станцыі[5].

Замежныя праекты

[правіць | правіць зыходнік]

У Расіі па праектах «БелНДПІэнергапрам» пабудавана і рэканструявана больш за 40 аб'ектаў, сярод якіх Алексінская ЦЭЦ, Астраханская ДРЭС, Дарагабужская ЦЭЦ, Казанская ЦЭЦ-1, Калінінградская ЦЭЦ-2, Самарская ДРЭС, Саратаўская ДРЭС, Смаленская ЦЭЦ-2, Тамбоўская ЦЭЦ і іншыя[6].

Таксама па праектах інстытута пабудаваны аб'екты ў краінах далёкага замежжа (Кітай, Іран, М'янма, Нігерыя, Лівія) і былога СССР (Вільнюс, Каўнас, Клайпеда, Кохтла-Ярвэ)[7].

Крыніцы

[правіць | правіць зыходнік]
  1. ↑ Юшкевич Виктор Владимирович (руск.). РУП «Белнипиэнергопром». Праверана 18 студзеня 2026.
  2. ↑ а б в Исторический экскурс (руск.). РУП «Белнипиэнергопром». Праверана 18 студзеня 2026.
  3. ↑ а б в Услуги (руск.). РУП «Белнипиэнергопром». Праверана 18 студзеня 2026.
  4. ↑ Объекты Беларуси (руск.). РУП «Белнипиэнергопром». Праверана 18 студзеня 2026.
  5. ↑ Белорусская АЭС (руск.). РУП «Белнипиэнергопром». Праверана 18 студзеня 2026.
  6. ↑ Объекты в РФ (руск.). РУП «Белнипиэнергопром». Праверана 18 студзеня 2026.
  7. ↑ Объекты за рубежом (руск.). РУП «Белнипиэнергопром». Праверана 18 студзеня 2026.

Спасылкі

[правіць | правіць зыходнік]
Узята з "https://be.wikipedia.org/w/index.php?title=БелНДПІэнергапрам&oldid=5084466"