Прыгажуня бліскучая

З пляцоўкі Вікіпедыя
Jump to navigation Jump to search
Прыгажуня бліскучая
Calopteryx splendens 20050729 504.jpg
Самец
Навуковая класіфікацыя
Міжнародная навуковая назва

Calopteryx splendens Harris, 1782

Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
NCBI  52612
EOL  2866990

Прыгажуня бліскучая (Calopteryx splendens) — від стракоз сямейства прыгажуняў.

Апісанне[правіць | правіць зыходнік]

Страказа сярэдніх памераў (даўжыня брушка 34-39 мм, размах крылаў 30-35 мм). Галава, пярэдняспінка, брушка сіне-зялёныя або цёмна-сінія, бліскучыя. Крылы самцоў пасярэдзіне з бліскучай сіняй перавяззю, іх аснова і верхавіна празрыстыя. Цела самак залаціста-зялёнае, крылы бясколерныя з металічнымі зялёнымі папярочнымі жылкамі, птэрастыгма белая. У спакойным стане крылы складзены і падняты вертыкальна ўверх.

Пашырэнне[правіць | правіць зыходнік]

Пашырэнне: Еўразія, Паўночная Афрыка. Даволі шырока трапляецца па ўсёй тэрыторыі Беларусі.

Дарослыя асобіны часцей трапляюцца па берагах рэк, ручаёў і іншых праточных вадаёмаў. Лічынкі — тыповыя рэафілы, патрабавальныя да чысціні вады і насычэння яе кіслародам. Жывуць сярод воднай расліннасці.

Асаблівасці біялогіі[правіць | правіць зыходнік]

Стракозы з 2-гадовым цыклам развіцця. Імага паяўляюцца ў канцы вясны. Лёт да пачатку восені, часцей за ўсё каля ўрэзку вады. Палёт пырхаючы. Яйкі адкладвае ў тканкі водных раслін на глыбіні да 1 м. Лічынкі падоўжныя з 3 хваставымі жабрамі і цёмнымі плямамі на целе, развіваюцца ў слабапраточных рэках і ручаях з глеістым дном і зараснікамі воднай расліннасці. Патрабавальныя да чысціні вады.

Літаратура[правіць | правіць зыходнік]

  • Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. — Мн.: Беларуская Энцыклапедыя, 1993. ISBN 5-85700-095-5