Пявозера

Пявозера
Пявозера
	руск.: Пяозеро, фінск.: Pääjärvi
Морфаметрыя
Вышыня над узроўнем мора	109,5 м
Даўжыня	69 км
Шырыня	31,4 км
Плошча	659 км²
Аб’ём	0,0101 км³
Даўжыня берагавой лініі	256 км
Найбольшая глыбіня	49 м
Сярэдняя глыбіня	14 м
Гідралогія
Тып мінералізацыі	прэснае
Празрыстасць	4—6,5 м
Басейн
Плошча вадазбору	1438 км²
Размяшчэнне
Краіна	Расія
Рэгіён	Карэлія
	; Пявозера
	; Пявозера
Ідэнтыфікатары
ДВР	02020000411102000000568
	Медыяфайлы на Вікісховішчы

Пяво́зера, Пяўвозера^[1] (руск.: Пяозеро, фінск.: Pääjärvi) — возера ў Расіі, на поўначы Карэліі. З 1966^[2] года, разам з Тапвозерам, з’яўляецца часткай Кумскага вадасховішча, утворанага на рацэ Коўда.

Плошча паверхні складае 659 км². Даўжыня 69 км, найбольшая шырыня 31,4 км, даўжыня берагавой лініі 256 км. Найбольшая глыбіня дасягае 49 м, сярэдняя складае 14 м^[2]. Плошча вадазбору 1430 км². Аб’ём вады 10,1 млн м³^[2]. Празрыстасць вады вагаецца ад 4 да 6,5^[2] м.

Катлавіна Пявозера ледавікова-тэктанічнага паходжання, няправільнай формы, выцягнутая ў напрамку з паўночнага захаду на паўднёвы ўсход, падзеленая на паўночную і паўднёвую часткі звужэннем і падводнай градой. Найбольшыя глыбіні назіраюцца ў заходняй частцы возера. Берагавая лінія звілістая, утварае залівы. Берагі ўзвышаныя, камяністыя або пясчаныя, укрытыя лесам. Паўднёвыя і месцамі ўсходнія берагі нізкія і забалочаныя. На возеры маецца вялікая колькасць астравоў (больш за 30)^[1]. Большая частка дна возера пакрытая ілам.

Замярзае Пявозера часцей за ўсё ў сярэдзіне лістапада, ускрываецца ў другой палове мая^[2].

Зноскі

↑ ^а ^б БелЭн 2001.
↑ ^а ^б ^в ^г ^д Пяозеро // Научно-популярная энциклопедия «Вода России» (руск.)

Літаратура

Пявозера // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 155. — 10 000 экз. — ISBN 985-11-0035-8. — ISBN 985-11-0216-4 (т. 13).

Спасылкі

[FOOTNOTEБелЭн2001-1] а ^б БелЭн 2001.

[ВР-2] а ^б ^в ^г ^д Пяозеро // Научно-популярная энциклопедия «Вода России» (руск.)

[1]

[2]