Пётр Аляксандравіч Гарбацэвіч-Клінцэвіч

Пётр Аляксандравіч Гарбацэвіч-Клінцэвіч
Пётр Аляксандравіч Гарбацэвіч-Клінцэвіч
Дата нараджэння	ліпень 1903
Месца нараджэння	Трабы, Трабская воласць[d], Ашмянскі павет, Віленская губерня, Расійская імперыя;
Дата смерці	27 лютага 1938 (34 гады)
Месца смерці	НКУС Менска[d], Менск, Менская вобласць, БССР, СССР;
Род дзейнасці	рэвалюцыянер, навуковец
Месца працы	Камісія па вывучэнні Заходняй Беларусі;
Партыя	РКП(б);
	Творы ў Вікікрыніцах

Пётр Аляксандравіч Гарбацэвіч-Клінцэвіч (ліпень 1903, мяст. Трабы, Ашмянскі павет, Віленская губерня, цяпер Іўеўскі раён Гродзенскай вобласці — 27 лютага 1938, Менск, НКУС) — дзеяч рэвалюцыйнага руху ў Заходняй Беларусі, навуковец.

Біяграфія[правіць | правіць зыходнік]

З сялянскай сям’і. Брат Сямёна Клінцэвіча. Падчас Першай сусветнай вайны ў бежанстве ў Самары. Скончыў сярэднюю школу. Удзельнічаў у грамадзянскай вайне на баку бальшавікоў. У 1920 годзе ўступіў у УКП(б). З 1922 года на падпольнай рабоце ў Заходняй Беларусі. Арыштоўваўся польскімі ўладамі.

Пасля вяртання ў БССР навуковы супрацоўнік камісіі па Заходняй Беларусі БелАН. Быў жанаты, гадаваў дзіця.

Арыштаваны 31 жніўня 1933 года ў Менску па адрасе: вул. Універсітэцкая, д. 36/29, кв. 1. Асуджаны паводле пастановы калегіі АДПУ 9.1.1934 як «член контррэвалюцыйнай арганізацыі БНЦ» да 3 гадоў пазбаўлення волі. Вызвалены 25 ліпеня 1935 года. Зноў арыштаваны ў 1937 годзе. «Тройкай» НКУС 13.2.1938 прыгавораны да ВМП. Расстраляны. Па першай справе (№ 10182-с, захоўваецца ў архіве КДБ Беларусі) рэабілітаваны трыбуналам БВА 18.4.1956, па другой 28.11.1956.

Творы[правіць | правіць зыходнік]

Гарбацэвіч, П. Полёнізацыя Заходняй Беларусі / П. Гарбацэвіч. — Менск : [б. в.], 1932. — 24 с.

Літаратура[правіць | правіць зыходнік]

Гарбацэвіч-Клінцэвіч Пётр Аляксандравіч // Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 3. Кніга 1 / Укладальнік Л. У. Маракоў. — Мн., 2004.