Перайсці да зместу

Пётр Зялінскі

З Вікіпедыі, свабоднай энцыклапедыі
Футбол
Пётр Зялінскі
Агульная інфармацыя
Нарадзіўся 20 мая 1994(1994-05-20)[1][2] (32 гады)
Грамадзянства
Рост 180 см
Вага 75 кг
Пазіцыя паўабаронца
Клубная кар’ера[* 1]
2024—0000 Інтэрнацыянале 34 (3)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.
Лагатып Вікісховішча Медыяфайлы на Вікісховішчы

Пётр Зялі́нскі (польск.: Piotr Zieliński; нар. 20 мая 1994) — польскі футбаліст, паўабаронца італьянскага клуба «Інтэрнацыянале» і нацыянальнай зборнай Польшчы. Доўгі час гуляе ў Італіі, дзякуючы чаму добра вывучыў італьянскую мову.

Кар’ера

[правіць | правіць зыходнік]

Клубная

[правіць | правіць зыходнік]
Зялінскі ў кашулі «Напалі» ў матчы Лігі чэмпіёнаў у 2019 годзе.

Пачаў займацца футболам у родным мястэчку Замбкавіцы Слёнске, дзе яго першым трэнерам быў яго бацька. У веку 14 гадоў далучыўся да складу любінскага «Заглэмбе», не зважаючы на тое, што цікавасць да іграка мелі нямецкі «Баер», а таксама нідэрландскія «Феенорд» і «Херэнвен»[3]. Выхаваннем юнака ў новым клубе займаўся вядомы польскі трэнер Францішак Смуда[3]. У 17 гадоў Зялінскі пераехаў у Італію, дзе паступіў у акадэмію «Удынезэ» на запрашэнне клуба пасля аднаго ж міжнародных турніраў[3]. Прафесійны дэбют іграка адбыўся 2 лістапада 2012 года, калі паляк замяніў на пляцоўцы Антоніа Дзі Натале на 91-й хвіліне матчу супраць «Кальяры»[4]. У 2014 годзе часова выступаў за «Эмпалі» паводле пагаднення арэнды.

4 жніўня 2016 года пасля некалькіх месяцаў чутак Зялінскі далучыўся да «Напалі», што каштавала клуба 16 мільёнаў еўра[5]. 3 снежня паўабаронца забіў свой першы гол у кашулі неапалітанцаў, калі была здабыта хатняя перамога над «Інтэрам» з лікам 3:0[6]. Свой першы сезон спартсмен скончыў з шасцю галамі на рахунку. 31 жніўня 2020 года падоўжыў кантракт з «Напалі» да 2024 года. Наступнымі гадамі ігрок стаў больш значнай постаццю клуба, маючы адну з ключовых футбалістаў. 7 верасня 2022 года адзначыўся двума галамі ў браму «Ліверпула» ў матчы групавога этапу Лігі чэмпіёнаў, які скончыўся буйной перамогай з лікам 4:1[7].

3 ліпеня 2024 года Зялінскі падпісаў кантракт з іншым клубам Серыі А міланскім «Інтэрам» пасля заканчэння дзеі кантракту з «Напалі»[8].

Міжнародная

[правіць | правіць зыходнік]

4 чэрвеня 2013 года футбаліст дэбютаваў у складзе нацыянальнай зборнай Польшчы ў таварыскім матчы супраць зборнай Ліхтэнштэйна[9]. У маі 2018 года быў уключаны ў папярэдні спіс з 35-х чалавек ад Польшчы, якія мусяць выправяцца на чэмпіянат свету 2018 года ў Расіі.

Дасягненні

[правіць | правіць зыходнік]

«Напалі»:

Крыніцы

[правіць | правіць зыходнік]
  1. ↑ Piotr Zielinski // Transfermarkt — 2000. Праверана 9 кастрычніка 2017.
  2. ↑ Piotr Zielinski // As — Madrid: PRISA, 1967. — ISSN 1888-6671
  3. 1 2 3 «Skąd się wziął w Udinese Piotr Zieliński?». Weszło!
  4. ↑ «Debiut Piotra Zielińskiego w Serie A». Interia.
  5. ↑ «Official: Zielinski joins Napoli». Football Italia.
  6. ↑ «Le pagelle di Napoli-Inter: Zielinski dominatore, Perisic non pervenuto». La Repubblica
  7. ↑ «Liverpool thrashed by Napoli in Champions League». BBC Sport.
  8. ↑ «Inter secure signing of Piotr Zieliński on free transfer». Yahoo Sports.
  9. ↑ «Skromna wygrana na pożegnanie Dudka». 90minut.

Спасылкі

[правіць | правіць зыходнік]
Узята з "https://be.wikipedia.org/w/index.php?title=Пётр_Зялінскі&oldid=4988874"