Пётр Маркавіч Кузюковіч

Пётр Маркавіч Кузюковіч
Пётр Маркавіч Кузюковіч
Дата нараджэння	24 лютага 1924 (100 гадоў)
Месца нараджэння	Павязынь, гміна Хаценчыцы[d], Вілейскі павет, Віленская зямля[d], Польская Рэспубліка;
Род дзейнасці	хірург, фтызіятр, урач, выкладчык універсітэта, медыцынскі адміністратар
Навуковая сфера	фтызіятрыя[d]
Месца працы	Свіслацкая ЦРБ[d]; Ваўкавыская ЦРБ[d]; Слонімская ЦРБ[d]; 2-я гарадская клінічная бальніца[d]; Рэспубліканскі навукова-практычны цэнтр пульманалогіі і туберкулёзу; ІПКіПКАЗ;
Навуковая ступень	доктар медыцынскіх навук
Навуковае званне	прафесар[d];
Альма-матар	Мінскі медыцынскі інстытут (1950);

Пётр Маркавіч Кузюковіч (24 лютага 1924 г., вёска Павязынь, Маладзечанскі раён, Мінская вобласць) — беларускі фтызіяхірург, доктар медыцынскіх навук, прафесар.

Біяграфія[правіць | правіць зыходнік]

Нарадзіўся ў сялянскай сям’і. Скончыў сярэднюю школу ў г. Мінску (1941), Мінскі медыцынскі інстытут (1950). Працаваў урачомм Свіслацкай раённай бальніцы, хірургам Ваўкавыскай раённай бальніцы (1950—1954); загадчыкам хірургічнага аддзялення Слонімскай раённай бальніцы (1954—1957); ардынатарам-хірургам Мінскай 2-й клінічнай бальніцы, 1957; загадчыкам хірургічнага аддзялення Слонімскага туберкулёзнага дыспансера, 1957—1959. З 1959 па 1960 гг. быў малодшым навуковым супрацоўнікам БелНДІ туберкулёзу, загадваў там жа хірургічным аддзяленнем, 1960—1971, намеснікам дырэктара БелНДІ туберкулёзу па навуковай рабоце, 1971—1974.

Навуковая дзейнасць[правіць | правіць зыходнік]

У 1962 г. абараніў кандыдацкую дысертацыю на тэму «Рэзекцыя лёгкіх пры туберкулёзе». У 1969 г. абаронена доктарская дысертацыя («Хірургічнае лячэнне распаўсюджаных формаў туберкулёзу лёгкіх»). З 1974 па 1992 гг. працаваў прафесарам кафедры фтызіятрыі БелДІУУ.

Аўтар 2 манаграфій па праблемах фтызіяхірургіі, больш за 100 навуковых публікацый. Падрыхтаваў 6 кандыдатаў медыцынскіх навук. З’яўляўся членам праблемных камісій па паталогіі лёгкіх пры вучоных саветах Міністэрствам аховы здароўя БССР і СССР.