Пётр Пятровіч Глебаў

Пётр Пятровіч Глебаў
Дата нараджэння	14 красавіка 1915(1915-04-14)
Месца нараджэння	Масква, Маскоўская губерня, Расійская імперыя
Дата смерці	17 красавіка 2000(2000-04-17) (85 гадоў)
Месца смерці	Масква, Расія
Месца пахавання	Ваганькаўскія могілкі
Грамадзянства	Расійская імперыя  СССР  Расія
Бацька	Pyotr Glebov[d]
Маці	Mariya Mikhalkova[d]
Жонка	Marina Levitskaya[d]
Дзеці	Elena Glebova[d] і Olga Glebova[d]
Прафесія	акцёр
Узнагароды
IMDb	ID 0322379
Медыяфайлы на Вікісховішчы

Пётр Пятровіч Глебаў (руск.: Пётр Петро́вич Гле́бов; 14 красавіка 1915, Масква — 17 красавіка 2000, Масква, Расія) — расійскі акцёр тэатра і кіно. Народны артыст СССР (1981), лаўрэат Дзяржаўнай прэміі РСФСР імя братоў Васільевых (1983).

Біяграфія

У 1937—1940 гадах вучыўся ў Оперна-драматычнай студыі К. С. Станіслаўскага ў Маскве, дзе займаўся ў М. М. Кедрава. З 1941 года — акцёр Оперна-драматычнай студыі К. С. Станіслаўскага (з 1948 — Маскоўскі драматычны тэатр імя К. С. Станіслаўскага).

У Вялікую Айчыннаю вайну добраахвотнікам пайшоў на фронт. Служыў у зенітна-артылерыйскім палку, які ахоўваў ад нацысцкіх самалётаў заходні сектар Падмаскоўя: Ачакава, Перадзелкіна, аэрапорт Унукава. Падчас службы, дзякуючы блізкасці Масквы, па дазволе камандавання разам з іншымі акцёрамі-байцамі іграў у тэатры.

Пасля вайны зноў вярнуўся ў тэатр, дзе граў да 1969 года. Удзельнічаў у спектаклях «Тры сястры» А. П. Чэхава, «Дні Турбіных» М. А. Булгакава, «Салемскія ведзьмы» А. Мілера і іншых.

З 1940 гады здымаўся ў кіно. Самая вядомая акцёрская праца — роля Рыгора Мелехава ў экранізацыі рамана М. А. Шолахава «Ціхі Дон», створанай рэжысёрам С. А. Герасімавым у 1957—1958 гадах.

З 1969 года лічыўся ў трупе Тэатра-студыі кінаакцёра. Жыў з сям’ёй на Фрунзенскай набярэжнай у доме № 40.