Пізаура дзіўная (Pisaura mirabilis) — від павукоў сярэдняга памеру з сямейства Пізаўрыды (Pisauridae), мае доўгія ногі. Ён не будуе лоўную сетку, палюе на дробных членістаногіх, хапаючы іх хеліцэрамі. Самка нясе ў хеліцэрах вялікі бялёсы шарападобны кокан, затым будуе гняздо для дзіцянятаў, дзе абараняе іх. Распаўсюджаны ў Еўропе і Азіі ад Турцыі і Блізкага Усходу да Кітая па тэрыторыі Расіі.
Стройны даўганогі павук, даўжыня цела 12-15 мм у самкі і 10-13 мм у самца. Бура-жоўты павук, зверху на галавогрудзях светла-жоўтая падоўжная палоска пасярэдзіне. Цела пакрыта кароткімі белымі валасінкамі, што надае яму аксаміцісты выгляд. Ногі доўгія, з шматлікімі шыпамі. Брушка разнастайнай афарбоўкі ад жоўтай да цёмна-карычневай, па баках жаўтлявае[1].
Сустракаецца на лугах з густым травяністым покрывам, у нізкіх кустах, лясных палянах, у добра асветленых месцах[1]. Раўнінны павук, падымаецца на вышыні да 900 м над узроўнем мора. Палюе днём.
Самец прыносіць самцы «вясельны падарунак»: дробную казюльку, закруціў у кокан. Пакуль самка спажывае здабычу, адбываецца спарванне. Самка адкладае 100—300 яек у шарападобны бялёсы кокан, які паўсюль носіць за сабой у хеліцэрах. Перад вылучэннем нашчадкаў яна будуе званападобнае гняздо, выгінаючы павуціннем асобныя травінкі, у якім падвешвае кокан. З часам з яек выводзяцца німфы, якіх самка доўгі час ахоўвае[2].
↑ абАжеганова, Н.С. (1968). Краткий определитель пауков лесной и лесостепной зоны СССР. Определители по фауне СССР, издаваемые Зоологическим институтом Академии наук СССР. Vol. 98. Л.: Наука. p. 150. Праверана 28 мая 2018. {{cite book}}: Шаблон цытавання мае пусты невядомы параметр: |coauthors= (даведка)(руск.)
