Пілкамаё

З пляцоўкі Вікіпедыя
Перайсьці да навігацыі Перайсьці да пошуку
Пілкамаё
ісп. Pilcomayo
Рачная даліна
Рачная даліна
Характарыстыка
Даўжыня 1590 км
Басейн 270 000 км²
Расход вады 175 м³/с
Вадацёк
Выток  
 • Месцазнаходжанне Анды
 • Вышыня 3000 м
Вусце  
 • Месцазнаходжанне Парагвай
 • Вышыня 56 м
 • Каардынаты 25°21′15″ пд. ш. 57°39′54″ з. д.HGЯO
Размяшчэнне
Водная сістэма Рака Парагвай
Краіны
physical
вусце
вусце
Лагатып Вікісховішча Аўдыё, фота і відэа на Вікісховішчы

Пілкамаё (ісп.: Pilcomayo ад кечуа: pishqu mayu «птушыная рака»), таксама Арагвай (гуар.: Araguay «рака ара») — рака ў Паўднёвай Амерыцы, правы прыток Парагвая. Даўжыня — 1 590 км. Плошча вадазбору — 270 000 км².

Рака Пілкамаё бярэ пачатак у горнай сістэме Анд на тэрыторыі Балівіі. Пачаткам лічыцца зліццё дзвюх невялікіх рэк Качымаю і Чылахуа на ўсходзе ад возера Паапо. На раўніне Гран-Чака Пілкамаё рухаецца на паўднёвы ўсход. Тут з-за вялікай колькасці адкладанняў яе рэчышча месцамі падзяляецца на 2 часткі. Умоўна аддзяляе паўночную частку Гран-Чака ад цэнтральнай. З'яўляецца памежнай ракой паміж дзяржавамі Аргенціна і Парагвай, часткова — паміж Аргенцінай і Балівіяй. Упадае ў раку Парагвай у раёне Асунсьёна.

Пілкамаё — адна з паўднёваамерыканскіх рэк, вада ў якой вельмі глеістая, што на працягу стагоддзяў прыводзіла да засмечвання рэчышча, фарміравання старыц, балот і новых рукавоў. Асабліва вялікая колькасць глею назіраецца падчас веснавых паводак. З-за заглейвання з 1900 г. да 2006 г. даўжыня асноўнага рэчышча скарацілася на 292 км. З Пілкамаё глей і наносы з Андаў трапляюць у рэкі Парагвай і Парана, дзе для развіцця суднаходства прыкладаюцца вялікія намаганні для расчысткі рэчышчаў.

У наш час дзейнічае трохнацыянальная камісія для неадкладных праблем, што могуць узнікнуць у басейне ракі.

Спасылкі[правіць | правіць зыходнік]