З Вікіпедыі, свабоднай энцыклапедыі
Пішчухавыя, паўзунковыя, пішчухі (Certhiidae) — сямейства птушак атрада Вераб’інападобныя (Passeriformes).
Даўжыня да 17 см, маса да 30 г. Дзюба даўжынёю да 1,5 см, тонкая, загнутая ўніз. Хвост цвёрды, ногі дужыя, учэпістыя, з загнутымі кіпцюрамі.
Адрозніваецца 2 (4) роды, 17 відаў. Пашыраны ўсюды, акрамя Антарктыкі. Жывуць пераважна ў хваёвых і мяшаных лясах, гняздуюцца ў дуплах, трэшчынах ствалоў дрэў, пад карой. На тэрыторыі Беларусі сустракаюцца пішчуха звычайная (Certhia familiaris) і пішчуха караткапальцая (Certhia brachydactyla).
Кормяцца насякомымі, павукамі, насеннем. Нясуць да 9 яец двойчы за год.
