Пётр Аляксандравіч Навасад

Пётр Аляксандравіч Навасад
Дата нараджэння	15 ліпеня 1939(1939-07-15)
Месца нараджэння	Шэлехава, Суцінскі сельсавет, Пухавіцкі раён, Менская вобласць, БССР, СССР
Дата смерці	16 чэрвеня 1994(1994-06-16) (54 гады)
Месца працы	Народны хор імя Г. І. Цітовіча
Музычная дзейнасць
Прафесіі	музыкант
Узнагароды

Пётр Аляксандравіч Навасад (15 ліпеня 1939, в. Шэлехава, Пухавіцкі раён, Мінская вобласць — 16 чэрвеня 1994) — беларускі спявак (барытанальны тэнар), заслужаны артыст Беларусі (1989).

Біяграфія

Нарадзіўся 15 ліпеня 1939 года ў в. Шэлехава Пухавіцкага раёна Мінскай вобласці.

З 1960 года — артыст Дзяржаўнага акадэмічнага народнага хору Беларусі. Валодаў моцным, роўным ва ўсіх рэгістрах голасам прыгожага тэмбру вялікага дыяпазону, дакладнай інтанацыяй. Яго выканальніцкая манера вылучалася абаяльнасцю, шчырасцю, эмацыянальнасцю. Выконваў адказныя сола ў праграмах калектыву, у тым ліку беларускія і рускія народныя песні.

Памёр 16 чэрвеня 1994 года.

Узнагароды

• заслужаны артыст Беларусі (1989).

Літаратура

• Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск : Беларусь, 2003. — 748 с. — 3000 экз. ISBN 985-01-0251-9
• Дрынеўскі М. П. Навасад Пётр Аляксандравіч // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 101. — 10 000 экз. — ISBN 985-11-0035-8. — ISBN 985-11-0188-5 (т. 11).