Раві Шанкар

Раві Шанкар
хіндзі: रवि शंकर
Род дзейнасці	кампазітар, сітарыст, кінарэжысёр, палітык
Дата нараджэння	7 красавіка 1920(1920-04-07)[…]
Месца нараджэння	Варанасі, Varanasi district[d], Злучаныя правінцыі Агра і Ауд[d], Брытанская Індыя, Брытанская імперыя, Вялікабрытанія
Дата смерці	11 снежня 2012(2012-12-11)[…] (92 гады)
Месца смерці	Сан-Дыега, акруга Сан-Дыега, Каліфорнія, ЗША
Грамадзянства	Брытанская Індыя  Індыя
Веравызнанне	індуізм
Жонка	Annapurna Devi[d]
Дзеці	Нора Джонс, Shubbo Shankar[d] і Anoushka Shankar[d]
Член у	Амерыканская акадэмія мастацтваў і літаратуры[d]
Узнагароды і прэміі	Прэмія Рамона Магсайсая (1992) Банга Бібхушан[d] Імператарская прэмія (1997) міжканфесійная ўзнагарода Джэймса Паркса Мортана[d] Sangeet Natak Akademi Award[d] (1962) Grammy Award for Best Chamber Music Performance[d] (1967) прэмія «Грэмі» за найлепшы альбом года[d] (1972) Polar Music Prize (1998) Grammy Award for Best Global Music Album[d] (2001) Grammy Award for Best Global Music Album[d] Tagore Award[d] (2012) Fellow of the Sangeet Natak Akademi[d] Fukuoka Asian Culture Prize[d] (1991) ганаровы доктар Калькуцкага ўніверсітэта[d]
Сайт	ravishankar.org
Медыяфайлы на Вікісховішчы

Раві Шанкар (7 красавіка 1920, Варанасі — 11 снежня 2012, Сан-Дыега) — індыйскі музыкант, кампазітар, шырока вядомы як віртуоз гульні на сітары. Унёс вялікі ўклад у папулярызацыю ў заходніх краінах індыйскай класічнай музыкі ў цэлым і яе інструментаў і выканаўцаў у прыватнасці. Важную ролю пры гэтым адыгралі як знаёмства з гуртом The Beatles і доўгае сяброўства з іх гітарыстам Джорджам Харысанам (Харысан вучыўся ў Раві гульні на сітары), так і асабістая харызма Раві Шанкара.

Выступаў на легендарных фестывалях у Мантэрэі (1967) і Вудстаку (1969), у 1960-х гадах канцэртаваў разам з Іегудзі Менухіным (у студзені 1967 года быў выпушчаны рэліз «West Meets East», які адлюстроўвае іх сумесную дзейнасць).

Працаваў у кіно з Сацьяджытам Раем, Мрыналам Сенам, Норманам Мак-Ларэнам, Оліверам Стоўнам, Рычардам Атэнбора і інш., яму належыць музыка больш чым да трыццаці ігравых і дакументальных фільмаў.

Музычная кар’ера Раві Шанкара доўжылася больш за шэсць дзесяцігоддзяў, а яго міжнародная кар’ера, паводле «Кнізе рэкордаў Гінеса», з’яўлялася самай працяглай у свеце. Насіў ганаровае званне «пандыт» (з санскр. — «навуковец», тытул даваўся звычайна рэлігійным настаўнікам высокага рангу).

Ад першай жонкі Анапурны Дэві меў сына Шубхендра Шанкара (1942—1992), кампазітара, музыканта і мастака. Бацька спявачкі Норы Джонс (ад Сью Джонс, нар. 1979) і Анушкі Шанкар (ад Суканьі Шанкар, нар. 1981), амерыканскай сітарысткі і кампазітара.

Раві Шанкар быў індуістам і вегетарыянцам. З 1960-х гадоў ён жыў у ЗША, у Каліфорніі.