Размовы з удзельнікам:SillverMoon

Памер старонкі: 5 823

Вітаем

Вітаем у Вікіпедыі! Рады бачыць вас у беларускамоўнай суполцы Вікіпедыі. Даведацца, што робіцца ў беларускай энцыклапедыі, можна на старонцы Апошніх змен. Што зрабіць? Тут ляжыць пералік таго, што трэба зрабіць. Калі ў артыкуле ёсць недакладнасць ці памылка, яе можа выправіць кожны (Гл. таксама: вікіфарматаванне) Можна ствараць новыя артыкулы, пашукаўшы перад гэтым ці ёсць ўжо такія. (Гл. таксама: беларуская раскладка, пагадненні пра найменне і афармленне артыкулаў) Як атрымаць дапамогу? Звярніцеся на форум Вікіпедыі або ў суполку Фэйсбука ці LJ, праз Discord, Telegram, IRC #wiki або ў «Размовы» да іншых удзельнікаў і адміністратараў.		Карысныя парады Пры стварэнні артыкула (Гл. таксама: беларуская раскладка клавіятуры, аўтарытэтныя крыніцы, вікіфарматаванне) трымайцеся пагаднення пра найменне артыкулаў. Для спраўджвання правапісу ёсць розныя праграмы. Каб лягчэй працаваць, ёсць гатовыя шаблоны. Да артыкулаў можна дадаваць выявы і матэматычныя формулы. Калі можна, дадавайце ў артыкул катэгорыі і спасылкі на іншамоўныя артыкулы. Калі ласка, запаўняйце радок Тлумачэнне пад акенцам рэдагавання, каб іншым удзельнікам лягчэй было сачыць за зменамі. Перад тым як захаваць сваю працу, націскайце кнопку Як будзе, каб убачыць меркаваны выгляд артыкула. У размовах заўсёды карыстайцеся подпісам, які ставіцца камбінацыяй ~~~~, або націсканнем кнопкі Ваш подпіс і адзначаны час у кансолі над акенцам рэдагавання. Зрабілі памылку? Кожную памылку можна хутка выправіць, а артыкул з памылковай назвай выдаліць.

--JerzyKundrat (размовы) 07:04, 10 красавіка 2021 (+03)

Папа Рымскі, Папа

§ 29. Вялікая і малая літары ў найменнях пасад і званняў, ветлівых зваротах і спецыяльных абазначэннях З вялікай літары пішуцца:

словы або спалучэнні слоў, якія з’яўляюцца афіцыйнымі назвамі асобы па вышэйшых дзяржаўных і рэлігійных пасадах: Прэзідэнт Рэспублікі Беларусь, Прэм’ер-міністр Рэспублікі Беларусь, Прэзідэнт Расійскай Федэрацыі, Старшыня Савета Рэспублікі Нацыянальнага сходу Рэспублікі Беларусь, Старшыня Палаты прадстаўнікоў Нацыянальнага сходу Рэспублікі Беларусь, Старшыня Канстытуцыйнага Суда Рэспублікі Беларусь, Галоўнакамандуючы Узброенымі Сіламі Рэспублікі Беларусь, Генеральны пракурор Рэспублікі Беларусь, Мітрапаліт Мінскі і Слуцкі, Патрыяршы Экзарх усяе Беларусі, Кароль Іярданіі, Каралева Аб’яднанага Каралеўства Вялікабрытаніі і Паўночнай Ірландыі, Імператар Японіі, Папа Рымскі, Патрыярх Маскоўскі і ўсяе Русі, Далай-Лама. У неафі­цыйным ужыванні словы прэзідэнт, старшыня, кароль, імператар пішуцца з малой літары: візіт прэзідэнта, выступленне старшыні, прыём у караля, загад імператара; але: выбары Прэзідэнта Рэспублікі Беларусь.

Таксама хацеў дадаць, што ў Вікіпедыі не ўжываецца мова Яна Крэміса (груба кажучы, касцёльная версія беларускай мовы), бо яна вельмі моцна разыходзіцца з базавымі правіламі арфаграфіі і пунктуацыі. Улічвайце гэта пры праўках. Поспехаў! --Ігар Барысавіч Цярэшчанка (размовы) 13:13, 12 красавіка 2021 (+03)

SillverMoon, каб адказаць, проста працягвайце пісаць тут. Яно прасцей, зручней і лагічней, чым ствараць асобную тэму на старонцы размоў удзельніка, які да Вас звяртаецца. Мы не выкарыстоўваем паланізмы ў якасці асноўных назваў у артыкулах (Змёртвыхпаўстанне, Касцёл (як Містычнае Цела Хрыста і бачныя зямныя рэлігійныя структуры), Панна і г. д.) — неяк проста прынята тут іх не ўжываць, сам не ведаю, чаму менавіта. Як раз спецыфічнай лексікай, якая ў 80 % выпадкаў будзе калькай з польскай, мова Камісіі па перакладзе літургічных тэкстаў і дакументаў Касцёла пры Канферэнцыі Каталіцкіх Біскупаў Беларусі (фактычна, гэта распрацоўка ксяндза-доктара Яна Крэміса на базе тэкстаў канца XIX і пачатку XX стагоддзяў) і адметная. Але яшчэ там ёсць нюансы проста з арфаграфіяй: папа рымскі (але Мітрапаліт), Эўхарыстыя, кансЭкрацыя, сакрамЭнт, Літургія ГадзінАЎ — гэта толькі нямногія прыклады парушэння беларускай арфаграфіі ў касцёльнай мове. Ясная справа, калі ёсць крыніца, то мы пазначаем тое, што ў КЦ выкарыстоўваюцца ў Беларусі вось такія цікавыя варыянты, можна таксама стварыць перасылку. Яно і зроблена з большага. Што жа наконт Катэхізіса, афіцыйнага перакладу на беларускую мову поўнага "сіняга" Катэхізіса камісіі на чале з Шанборнам яшчэ няма. Там, дзе ён ёсць (Кампендый і YouCat), я пакінуў арыгінальныя назвы. P. S. Поўны Катэхізіс у нас адзін на ўсе абрады, таму пытанне таго, наколькі мэтазгодна ўжываць там слова "Касцёл", улічваючы неўжыванне яго ў беларускай мове да Усходніх Каталіцкіх Цэркваў, застаецца адкрытым. Ігар Барысавіч Цярэшчанка (размовы) 08:21, 13 красавіка 2021 (+03)