Разнаскурыя нематоды

Разнаскурыя нематоды
Heterodera glycines
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Nematoida Тып:  Круглыя чэрві Клас:  Chromadorea Атрад:  Тыленхіды Надсямейства:  Tylenchoidea Сямейства:  Разнаскурыя нематоды
Міжнародная навуковая назва
Heteroderidae Filipjev & Schuurmans Stekhoven, 1941
Роды
Afenestrata Bilobodera Dolichodorus Ekphymatodera Globodera Heterodera Hylonema Meloidodera Meloidogyne
Выявы на Вікісховішчы ITIS   63566 NCBI   6301 EOL   2848

Разнаску́рыя нематоды (Heteroderidae) — сямейства круглых чарвей атрада тыленхід.

Апісанне

Развіты палавы дымарфізм. Самкі (даўжыня 0,4—1,1, шырыня 0,28—0,97 мм) круглыя або колбападобныя, белыя (маладыя), карычневыя (палаваспелыя), нерухомыя. Самцы (даўжыня 0,9—1,3, шырыня 0.01—0,03 мм) празрыстыя, чэрвепадобныя. Самкі адкладваюць яйцы ў слізістыя мяшкі або захоўваюць іх унутры цела. За год даюць 1 пакаленне. Зімуюць лічынкі 2-га ўзросту, яйцы, змешчаныя ў цысты.

Значэнне

Узбуджальнікі нематодных хвароб раслін. На Беларусі ачагамі на бульбе, бураках, аўсе і іншых раслінах трапляюцца злакавая (Ditylenchus graminophilus), бульбяная (Globodera rostochiensis), бураковая (Heterodera schachtii), аўсяная (Heterodera avenae) нематоды.

Меры барацьбы: супрацьнематодныя хімічныя сродкі, выключэнне з севазвароту на 2-3 гады культур, пашкоджаных гельмінтамі.

Літаратура

• Ветрава С. Разнаскурыя нематоды // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.