Раймонд Шмітляйн

Раймонд Шмітляйн
фр.: Raymond Schmittlein
дэпутат Нацыянальнага сходу Францыі[d] 9 снежня 1958 — 9 кастрычніка 1962
дэпутат Нацыянальнага сходу Францыі[d] 6 снежня 1962 — 2 красавіка 1967
дэпутат Нацыянальнага сходу Францыі[d] 17 чэрвеня 1951 — 1 снежня 1955
Нараджэнне	19 чэрвеня 1904(1904-06-19)[…] Рубэ, дэпартамент Нор
Смерць	29 верасня 1974(1974-09-29) (70 гадоў) Фелон[d], Тэрыторыя Бельфор
Імя пры нараджэнні	фр.: Raymond Antoine Schmittlein
Партыя	Саюз за новую рэспубліку[d] Аб’ядненне французскага народа[d]
Член у	Акадэмія навук і літаратуры ў Майнцы
Адукацыя	Парыжскі ўніверсітэт
Месца працы	Універсітэт Вітаўта Вялікага
Званне	палкоўнік
Узнагароды
Медыяфайлы на Вікісховішчы

Раймонд Шмітляйн (фр.: Raymond Schmittlein; 19 чэрвеня 1904 — 29 верасня 1974) — французскі лінгвіст і палітык.

Біяграфія

Вывучаў германістыку ва ўніверсітэце Парыж I Пантэон-Сарбона. У 1934—1938 гадах выкладаў французскую мову і літаратуру ва ўніверсітэце Вітаўта Вялікага ў Каўнасе. У 1938—1940 гадах быў дырэктарам Французскага інстытута ў Рызе.

У Другую сусветную вайну браў удзел у бітве за Нарвік, потым далучыўся да Вольных французскіх сіл у Лондане. Зладзіў разведку ў Ліване і Сірыі. Атрымаў даручэнне ад Шарля дэ Голя сабраць усе сілы супраціву з-за мора. Потым браў удзел у выправах у Італію і Францыю. Дайшоў да Бельфора з Першай арміяй. У 1943—1944 гадах уваходзіў у кабінет генерала Шарля дэ Голя.

У 1945—1951 гадах быў генеральным дырэктарам у справах культуры ў французскай зоне акупацыі Германіі. Спрыяў заснаванню навучальных устаноў, якія існуюць дагэтуль: універсітэт Іагана Гутэнберга ў Майнцы, Вышэйшая школа адміністрацыйных навук у Шпаеры, Школа перакладчыкаў у Гермерсгайме, Інстытут еўрапейскай гісторыі ў Майнцы і іншыя.

Быў міністрам, адказным за Асацыяваныя Штаты (Індакітай), на працягу аднаго дня ва ўрадзе Жазефа Ланьеля (1 чэрвеня 1954 года), потым міністрам, адказным за гандлёвы флот, ва ўрадзе П’ера Мендэса з 20 студзеня да 23 лютага 1955 года. Быў віцэ-прэзідэнтам асамблеі Францыя—СССР.

Быў адным з рэдактараў навуковага часопіса «Revue internationale d’onomastique».

Працы

• Études sur la nationalité des Aestii. Toponymie lituanienne. T. 1 (1948)
• Un Recit de Guerre de Goethe le Siege de Mayence II. Editions Art et Science, Mayence (1951)
• Avec César en Gaule, Paris, Ed. Artrey (1970)

Спасылкі

• На Вікісховішчы ёсць медыяфайлы па тэме Раймонд Шмітляйн