Раймунд Качынскі

Раймунд Качынскі
Мянушка	Ірка (Irka)
Дата нараджэння	1 верасня 1922(1922-09-01)
Месца нараджэння	Граева, Граеўскі павет, Падляскае ваяводства, Польшча
Дата смерці	17 красавіка 2005(2005-04-17) (82 гады)
Месца смерці	Варшава, Мазавецкае ваяводства, Польшча
Месца пахавання	Старыя Павонзкі
Жонка	Ядвіга Качыньская[d]
Дзеці	Яраслаў Качыньскі і Лех Качыньскі
Альма-матар	Лодзьскі політэхнічны ўніверсітэт
Месца працы	Варшаўская палітэхніка
Грамадзянства	Польшча
Род войскаў	пяхота
Гады службы	1941—1944
Званне	паручнік
Бітвы/войны	Варшаўскае паўстанне
Узнагароды і званні

Раймунд Качынскі (польск.: Rajmund Kaczyński; 1 верасня 1922, Граева — 17 красавіка 2005, Варшава) — польскі інжынер. Муж Ядвігі з Ясевічаў Качынскай, бацька Леха і Яраслава Качынскіх.

Біяграфія

Нарадзіўся ў сям’і чыгуначнага чыноўніка Аляксандра Качынскага і Францішкі з Свянткоўскіх, родам з Адэсы. Бацькі найперш жылі ў мястэчку Граева, потым, у 1927—1939 гадах, у Баранавічах, дзе Аляксандр быў начальнікам экспедыцыі чыгуначнай станцыі, а маці занімалася гандлем нерухомасцю. У 1939 годзе сям’я пераехала ў Брэст, адкуль уцякла напачатку войны ў Варшаву.

Раймунд Качынскі навучаўся ў Дзяржаўнай вышэйшай школе будавання машын і Дзяржаўнай вышэйшай тэхнічнай школе. Дзейнічаў у канспірацыі. 1 жніўня 1944 года, напачатку Варшаўскага паўстання ўдзельнічаў у атаку на тор скачкоў на варшаўскім Служаўцу. Паранены, страціў палец. Апекавалася ім медсястра Галена Валовіч, цётка Браніслава Камароўскага. Біўся да канца паўстання. Быў узнагароджаны Сярэбраным крыжам ордэна Віртуці Мілітары (2 кастрычніка 1944) , а таксама Крыжам Мужных.

У 1947 годзе скончыў факультэт механічны Лодзінскай палітэхнікі. Працаваў у дзяржаўным аптычным прадпрыемстве і будовах. Быў выкладчыкам Варшаўскай палітэхнікі.