Ракель Уэлч

Ракель Уэлч
Raquel Welch
Дата нараджэння	5 верасня 1940(1940-09-05)
Месца нараджэння	Чыкага, Ілінойс
Дата смерці	15 лютага 2023(2023-02-15) (82 гады)
Месца смерці	Лос-Анджэлес, Каліфорнія
Грамадзянства	ЗША
Бацька	Armando Carlos Tejada Urquizo[d]
Маці	Josephine Sarah Hall[d]
Муж	André Weinfeld[d] і Patrick Curtis[d]
Дзеці	Tahnee Welch[d]
Адукацыя	Сан-Дыегаўскі дзяржаўны ўніверсітэт
Прафесія	актрыса
Кар’ера	1964 — 2017
Узнагароды	зорка на галівудскай «Алеі славы»
IMDb	0000079
Медыяфайлы на Вікісховішчы

Ракель Уэлч (англ.: Raquel Welch; 5 верасня 1940 — 15 лютага 2023) — амерыканская актрыса і секс-сімвал 1970-х гадоў.

Біяграфія

Джо Ракель Тэхада нарадзілася ў Чыкага ў сям’і англічанкі і балівійца. З юных гадоў вызначалася артыстычнасцю і з дзевятнаццаці гадоў пачала выступаць у аматарскім тэатры.

У 1959 годзе яна выйшла замуж за Джэймса Уэлча, прозвішча якога пачала выкарыстоўваць у сваёй далейшай кар’еры. Разам з мужам яна размясцілася ў Сан-Дыега, дзе пачала працаваць вядучай прагнозу надвор’я на мясцовай тэлестанцыі. Абцяжараная выхаваннем двух дзяцей і працай, Уэлч была вымушана пакінуць Універсітэт штата Каліфорнія ў Сан-Дыега, так і не атрымаўшы адукацыі. Пасля разводу яна забрала з сабой дзяцей і перабралася ў Далас, дзе пачала зарабляць на жыццё, удзельнічаючы ў модных паказах фірмы «Neiman Marcus».

Адправілася ў Галівуд, дзе з 1964 года пачала атрымліваць першыя ролі ў кіно. Папулярнасць да яе прыйшла ў 1966 годзе пасля роляў у фільмах «Фантастычнае падарожжа» і «Мільён гадоў да нашай эры» (1966). Наступныя яе ролі на вялікім экране не прынеслі ёй вялікага поспеху, бо сексуальную актрысу не ўспрымалі на сур’ёзных ролях. Выключэннем для яе стала роля Канстанцыі Банасье ў фільме «Тры мушкецёры: Падвескі каралевы» (1974), за якую яна была ўдастоена прэміі «Залаты глобус».

У 1970-х гадах прывабны выгляд і слава актрысы прывялі яе на вокладкі часопіса «Playboy», у які Уэлч апісвалася як «самая жаданая жанчына 1970-х». Апроч гэтага актрыса неаднаразова з’яўлялася на тэлебачанні, быўшы некаторы час вядучай уласнага тэлешоў, а таксама ўдзельнічала ў музычных шоў у Лас-Вегасе.

Памерла 15 лютага 2023 года ў сваім доме ў Лос-Анджэлесе пасля непрацяглай хваробы.

Спасылкі

• На Вікісховішчы ёсць медыяфайлы па тэме Ракель Уэлч
• Ракель Уэлч на сайце «Internet Movie Database» (англ.)
• Ракель Уэлч на сайце «TV.com» (англ.)