Перайсці да зместу

Ракетны ўдар па Крывым Рогу 4 красавіка 2025 года

З Вікіпедыі, свабоднай энцыклапедыі
Ракетны ўдар па Крывым Рогу 4 красавіка 2025 года
Выява
Краіна
Месцазнаходжанне
Дата 4 красавіка 2025
Лагатып Вікісховішча Медыяфайлы на Вікісховішчы

Ракетны ўдар па Крывым Рогу 4 красавіка 2025 года — ракетная атака, здзейсненая УС РФ, балістычная ракета ўдарыла па густанаселеным жылым мікрараёне ў цэнтры Крывога Рогу (Днепрапятроўская вобласць Украіны). Атака здзейснена ў вячэрні час і прыйшлася на тэрыторыю з жылымі дамамі, побач дзіцячай пляцоўкі і сквера. Праз некалькі гадзін па горадзе таксама нанесены ўдар беспілотнікамі. У выніку загінулі 20 чалавек, у тым ліку 9 дзяцей, 75 (уключаючы 12 дзяцей) паранены[1][2].

Ход падзей

[правіць | правіць зыходнік]

4 красавіка 2025 года каля 19:00 вечара па мясцовым часе ракета, выпушчаная з боку Расіі, патрапіла ў раён жылой забудовы ў Крывым Рогу. У эпіцэнтры выбуху аказаліся шматпавярховыя дамы, прыватны сектар, рэстаран, дзіцячая пляцоўка і аўтамабільная стаянка. На месцы ўдару не было ваенных аб’ектаў.

Ракетны ўдар на мапе

Па інфармацыі Дзяржаўнай службы Украіны па надзвычайных сітуацыях (ДСНС Украіны), атака разбурала пяць будынкаў, значны ўрон нанесены грамадскай інфраструктуры, аўтамабілям і адукацыйнай установе.

Па версіі УСУ атака здзейснена ракетай Іскандэр-М з касетнай баявой часткай, каб максімізаваць колькасць ахвяр [3].

Пад апоўначы па горадзе нанесены таксама ўдар БПЛА. Узніклі пажары, пашкоджаны рэйкі і кантактная сетка. Загінула 56-гадовая жанчына, яна згарэла ў сваім доме; пацярпелі 7 чалавек[1].

Ахвяры

[правіць | правіць зыходнік]
Целы загінулых
  • Загінулі 20 чалавек, з іх 9 дзяцей[4].
  • Паранены 75 чалавек, 12 дзяцей. Паводле звестак кіраўніка абласной адміністрацыі Сяргея Лысака, амаль палова пацярпелых шпіталізаваныя, з іх 17 — у цяжкім стане[1].
  • Пашкоджана і разбурана 34 жылыя будынкі, 6 навучальных устаноў, дзіцячая пляцоўка, крамы, пункты грамадскага харчавання[4], дзясяткі аўтамабіляў.

У Крывым Рогу абвешчана трохдзённая жалоба з 7 да 9 красавіка[5].

Версія Расіі

[правіць | правіць зыходнік]

Па версіі УС РФ удар нанесены па адным з рэстаранаў у Крывым Рогу (шэраг расійскіх ваенблогераў называў цэллю рэстаран «RoseMarine»), дзе праходзіла «нарада камандзіраў і заходніх інструктараў»[6]. Страты УСУ ад удару, па інфармацыі ведамства, ацэнены як «да 85 вайскоўцаў і афіцэраў замежных дзяржаў, а таксама да 20 адзінак аўтамабільнай тэхнікі»[7].

Расійскім бокам не пададзены доказы сваёй версіі[2]. Як высветліў праект «Сістэма», гэтым днём у рэстаране праходзіў анансаваны раней з’езд работнікаў б’юці-індустрыі, а таксама дзень нараджэння аднаго наведвальніка[8]. Акрамя таго, эпіцэнтр выбуху быў бліжэй да дзіцячай пляцоўкі, чым да рэстарана, які толькі пашкодзіла асколкамі[6].

Крыніцы

[правіць | правіць зыходнік]
  1. ↑ а б в Российские военные атаковали Кривой Рог: 19 человек погибли, десятки — получили ранения. BBC (5 красавіка 2025). Архівавана з першакрыніцы 5 красавіка 2025.
  2. ↑ а б Смертоносні удари Росії по Кривому Рогу: вже 19 загиблих, серед них 9 дітей (укр.). BBC News Україна (4 красавіка 2025). Архівавана з першакрыніцы 5 красавіка 2025. Праверана 4 красавіка 2025.
  3. ↑ Kryvyi Rih: Children among 18 killed in Russian attack on Zelensky's home city (англ.). www.bbc.com (4 красавіка 2025). Праверана 5 красавіка 2025.
  4. ↑ а б Россия атаковала ракетой жилой квартал в Кривом Роге. Погибли 19 человек, из них девять детей. Вот как выглядят последствия «высокоточного удара» (таким его называет Минобороны РФ). Meduza (5 красавіка 2025). Архівавана з першакрыніцы 5 красавіка 2025.
  5. ↑ Война. Тысяча сто тридцать седьмой день. Минобороны РФ объявило об ударе по ресторану в Кривом Роге, где шло «совещание командиров». «Система» выяснила, что за полчаса до атаки в заведении завершился форум индустрии красоты. Meduza (5 красавіка 2025). Архівавана з першакрыніцы 5 красавіка 2025.
  6. ↑ а б Удар по Кривому Рогу: 9 убитых детей, Россия говорит о «командирах ВСУ и инструкторах». Что известно к этому часу (руск.). The Insider. Праверана 5 красавіка 2025.
  7. ↑ Минобороны РФ назвало атаку по Кривому Рогу «высокоточным ударом по совещанию командиров» (руск.). The Insider. Праверана 5 красавіка 2025.
  8. ↑ «Система»: в ресторане в Кривом Роге, куда «целились» российские военные, проходили форум бьюти-индустрии и день рождения. Радио Азаттык(руск.). Праверана 2025-04-05.

Спасылкі

[правіць | правіць зыходнік]
Узята з "https://be.wikipedia.org/w/index.php?title=Ракетны_ўдар_па_Крывым_Рогу_4_красавіка_2025_года&oldid=5081727"