Раман Барысавіч Лакціёнаў

З пляцоўкі Вікіпедыя
Jump to navigation Jump to search
Футбол
Раман Лакціёнаў
Roman Loktionov1.jpg
Агульная інфармацыя
Поўнае імя Раман Барысавіч Лакціёнаў
Нарадзіўся 18 кастрычніка 1986(1986-10-18)[1] (33 гады)
Грамадзянства Flag of Ukraine.svg Украіна
Рост 184 см
Вага 80 кг
Пазіцыя нападнік
Інфармацыя пра клуб
Клуб няма
Кар’ера
Маладзёжныя клубы
2001 — 2004 Украіна Крышталь (Александрыя)
Клубная кар’ера*
2004 — 2006 Украіна МФК Александрыя 30 (3)
2007 — 2008 Украіна Крэмінь (Крэмэнчук) 52 (21)
2008 — 2010 Украіна Ворскла (Палтава) 7 (0)
2009 — 2010   Украіна Александрыя 20 (2)
2010 — 2013 Украіна Сталь (Алчэўск) 86 (19)
2013 — 2014 Украіна Александрыя 17 (0)
2014 Украіна Сталь (Алчэўск) 17 (5)
2015 — 2016 Украіна Зорка (Крапыўныцкы) 42 (9)
2017 Беларусь Нёман (Гродна) 13 (3)
2017 Украіна Інгулец (Пэтровэ) 10 (2)
2018 Украіна Чаркашчына-Акадэмія 27 (11)
2019 Украіна Крэмінь (Крэмэнчук) 16 (4)

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 15 кастрычніка 2019.


Раман Лакціёнаў (нар. 18 кастрычніка 1986, Александрыя, Украіна) — украінскі футбаліст, нападнік.

Клубная кар’ера[правіць | правіць зыходнік]

Выхаванец александрыйскага футбола, на юнацкім узроўні гуляў за мясцовы «Крышталь». У 2004 годзе, калі «Крышталь» выставіў каманду ў Другую лігу пад назвай МФК «Александрыя», пачаў гуляць за яе. У 2006 годзе каманда знялася з турніру, і Лакціёнаў у якасці свабоднага агента пакінуў клуб. З 2006 па 2008 выступаў у Другой лізе за крэмэнчуцкі «Крэмінь», у складзе якога стаў адным з найлепшых бамбардзіраў, забіўшы 21 гол у 52 матчах.

У ліпені 2008 года перайшоў у палтаўскую «Ворсклу», і 18 ліпеня дэбютаваў у Прэм’ер-лізе ў матчы з «Харкавам» (0:0), выйшаўшы на замену ў канцы сустрэчы. За палтаўскі клуб у сезоне 2008/09 правёў толькі 8 матчаў у чэмпіянаце і 3 матчы ў Кубку Украіны, які здолеў выйграць разам з камандай, выйшаўшы на замену ў фінальным матчы з данецкім «Шахцёрам» (1:0). Не замацаваўшыся ў аснове палтаўчан, улетку 2009 года быў аддадзены ў арэнду першалігавай «Александрыі».

Улетку 2010 года перайшоў у алчэўскую «Сталь», дзе стаў трывалым іграком асновы. У сезоне 2012/13 дапамог камандзе заваяваць пуцёўку ў Прэм’ер-лігу, забіўшы 10 галоў у чэмпіянаце. Аднак, «Сталь» з-за фінансавых праблем адмовілася ад удзелу ў элітным дывізіёне, і Лакціёнаў перайшоў у «Александрыю», аднак праз год вярнуўся ў «Сталь». У студзені 2015 года падпісаў кантракт з крапыўныцкай «Зоркай». Разам з «Зоркай» атрымаў перамогу ў Першай лізе 2015/16, аднак у Прэм’ер-лізе страціў месца ў асноўным складзе. У студзені 2017 года пакінуў каманду.

У лютым 2017 года прыбыў на прагляд у беларускі клуб «Нёман» і ў сакавіку падпісаў кантракт[2]. Пачынаў сезон 2017 асноўным нападнікам «Нёмана», аднак пазней страціў месца ў складзе і стаў выступаць за дубль. У жніўні 2017 года кантракт з гродзенскім клубам па пагадненні бакоў быў разарваны[3].

Неўзабаве пасля зыходу з «Нёмана» стаў іграком клуба ўкраінскай Першай лігі «Інгулец»[4], а ў студзені 2018 года перайшоў у «Чаркаскі Дняпро»[5]. У ліпені 2018 года «Чаркаскі Дняпро» пасля вылету ў Другую лігу пераехаў у Білазір’я і змяніў назву на «Чаркашчына-Акадэмія».

У сакавіку 2019 года зноў далучыўся да крэмэнчуцкага «Крэміня». У верасні 2019 года быў пераведзены ў моладзевую каманду «Крэміня», дзе стаў гуляючым трэнерам.

Дасягненні[правіць | правіць зыходнік]

  • Украіна Уладальнік Кубка Украіны: 2009
  • Украіна Пераможца Першай лігі чэмпіянату Украіны: 2015/16
  • Украіна Пераможца Другой лігі чэмпіянату Украіны: 2018/19

Зноскі

Спасылкі[правіць | правіць зыходнік]