Раман Фёдаравіч Кобрынскі

Раман Фёдаравіч Кобрынскі
Пячатка князя Рамана Фёдаравіча. 1387
Нараджэнне	невядома
Смерць	не раней за 1416
Род	Кобрынскія
Бацька	Фёдар Альгердавіч[d]
Дзеці	Сямён Раманавіч Кобрынскі
Медыяфайлы на Вікісховішчы

Раман Фёдаравіч Кобрынскі (? — пасля 1417) — князь.

Біяграфія

Сын Фёдара Альгердавіча Ратненскага. Упамінаецца ў дакументах з 1387 года. У 1393 годзе ўзначальваў войска наўгародцаў у паходах на ўладанні вялікага князя маскоўскага Васіля I, у 1394 — пад Пскоў. У 1404 годзе вялікі князь Вітаўт выдаў Раману Фёдаравічу грамату на валоданне Кобрынам і навакольнымі маёнткамі (Грушава, Несухаіжы, Міланавічы і інш.), што магло быць пацвярджэннем правоў на дзедзічныя ўладанні. У 1411—1417 гадах Раман Фёдаравіч пры двары польскага караля Ягайлы.

Літаратура

• Валерый Пазднякоў. Кобрынскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 792 с. — ISBN 985-11-0378-0 (т. 2), ISBN 985-11-0315-2.