Раман Юр’евіч Сцяпанаў

Раман Сцяпанаў
Поўнае імя	Раман Юр’евіч Сцяпанаў
Нарадзіўся	6 жніўня 1991(1991-08-06) (29 гадоў) Смалявічы, Смалявіцкі раён, Мінская вобласць, БССР, СССР
Грамадзянства	Беларусь
Рост	186 см
Вага	83 кг
Пазіцыя	брамнік
Інфармацыя пра клуб
Клуб	Дынама (Брэст)
Нумар	25
Клубная кар’ера
2008—2010 БАТЭ (Барысаў) 0 (0) 2010 →  Рудзенск 11 (-16) 2011 Рудзенск 23 (-25) 2012—2015 Тарпеда-БелАЗ (Жодзіна) 8 (-9) 2016 Нафтан (Наваполацк) 2 (-4) 2017 Смалявічы-СТІ 18 (-13) 2018—2019 Тарпеда (Мінск) 20 (-26) 2019—2020 Рух (Брэст) 26 (-28) 2021— Дынама (Брэст)

Раман Сцяпанаў (нар. 6 жніўня 1991, Смалявічы) — беларускі футбаліст, брамнік брэсцкага «Дынама».

Малодшы брат Рамана, Мікіта, таксама з’яўляецца футбалістам.

Клубная кар’ера

Выхаванец прыватнай футбольнай школы Віктара Дарміна ў Смалявічах. Гуляў за дубль барысаўскага БАТЭ, а з 2010 года выступаў у Першай лізе за «Рудзенск», дзе ў хуткім часе стаў асноўным брамнікам.

У сакавіку 2012 года перайшоў у жодзінскае «Тарпеда-БелАЗ». У сезоне 2013 стаў другім брамнікам, нярэдка з’яўляўся ў стартавым складзе. Заставаўся другім брамнікам клуба і ў сезоне 2014, але правёў у ім толькі адзін матч у аснове. У студзені 2015 года падоўжыў кантракт з «Тарпеда-БелАЗ». У сезоне 2015 аднойчы з’явіўся на полі ў чэмпіянаце Беларусі. У студзені 2016 года па заканчэнні кантракта пакінуў Жодзіна.

Пасля зыходу з «Тарпеда-БелАЗ» накіраваўся на прагляд у мікашэвіцкі «Граніт», але ў лютым, не падыйшоўшы «Граніту», далучыўся да наваполацкага «Нафтана». У сакавіку падпісаў пагадненне з навапалачанамі. У складзе «Нафтана» стаў другім брамнікам пасля Ігара Даўгялы. Па заканчэнні сезона 2016 пакінуў Наваполацк.

У лютым 2017 года стала вядома, што Раман стаў іграком «Смалявічаў-СТІ». Па выніках сезона 2017 клуб выйшаў у Вышэйшую лігу. Да сезона 2018 пачынаў рыхтавацца са «Смалявічамі», аднак у лютым 2018 года па пагадненні бакоў пакінуў клуб і далучыўся да мінскага «Тарпеда», з якім неўзабаве падпісаў кантракт. Сезон 2018 пачынаў у якасці другога брамніка пасля Канстанціна Рудзянка, гуляў за дубль, а з ліпеня (пасля зыходу Рудзянка) стаў асноўным брамнікам каманды.

У пачатку сезона 2019 заставаўся асноўным брамнікам тарпедаўцаў, але пазней саступіў месца Арцёму Лявонаву. У ліпені 2019 года ў сувязі з фінансавымі праблемамі пакінуў «Тарпеда», а ў жніўні стаў іграком брэсцкага «Руха». Дапамог «Руху» выйсці ў Вышэйшую лігу, быў адным з асноўных брамнікаў каманды, чаргуючыся ў складзе з Аляксандрам Нячаевым. У студзені 2021 года разарваў кантракт з «Рухам».

У студзені 2021 года стаў трэніравацца з брэсцкім «Дынама», з якім у лютым падпісаў пагадненне.

Грамадзянская пазіцыя

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі.