Пладовыя целы вялікія і маленькія, шматразова вільчатагалінастыя, разнастайна і даволі ярка афарбаваныя. Тканка мясіставалакністая, мяккаскурыстая, жорсткая ці студзяністая, ломкая, на зломе або пры націсканні афарбоўваецца ў вінна-чырвоны, бураваты або сіняваты колер. Гіменафор пакрывае ўсё пладовае цела, але адсутнічае на ножцы і верхавіне галінак. Споры эліпсоідныя, гладкія, бародаўчатыя ці шыпаватыя, бледна-жоўтыя, вохрыстыя або светла- ці чырванавата-карычневыя.
