Раскавыя

Раскавыя
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Шальнікакветныя Сямейства:  Ароннікавыя Падсямейства:  Раскавыя
Міжнародная навуковая назва
Lemnoideae Bab., 1843
Сістэматыка на Віківідах Выявы на Вікісховішчы NCBI   284551 GRIN   f:2259

Раскавыя (Lemnoideae) — падсямейства кветкавых аднадольных раслін.

Батанічнае апісанне

Вегетатыўнае цела расак прадстаўлена маленькай зялёнай лістападобнай сцяблінкай (лісцец), плаваючай на паверхні вады, радзей пагружанай у ваду. У некаторых расак, напрыклад, у многакарэнніка (Spirodela), у аснове сцябла маецца 2 вельмі маленькія рэдукаваныя плеўчатыя лісцікі. Ад лістападобнага сцябла адыходзіць уніз адзін (раска (Lemna)) ці некалькі (многакарэннік (Spirodela)) ніткападобных неразгалінаваных карэньчыкаў.

Цвітуць раскі вельмі рэдка, а размнажаюцца вельмі хутка вегетатыўна пры дапамозе бакавых парасткаў з кішэнек. Суквецце — вельмі маленькі рэдукаваны пачатак з вельмі далікатным плеўчатым покрыўным лістом. У суквецці знаходзіцца адна жаночая кветка з аднаго песціка без калякветніка і 1—2 мужчынскія кветкі без калякветніка, з адной тычынкай у кожнай.

Налічваецца 6 родаў і 30—43 віды. Распаўсюджанне касмапалітнае. На тэрыторыі Беларусі сустракаюцца раска гарбатая (Lemna gibba), раска малая (Lemna minor), раска трохдольная (Lemna trisulca); многакарэннік звычайны (Spirodela polyrhiza). Вольфія бескаранёвая (Wolffia arrhiza) з’яўляецца адным з самых маленькіх прадстаўнікоў кветкавых раслін — яе памеры ад 0,1 да 0,15 см.

Літаратура

• Сапегін Л. М. Батаніка. Сістэматыка вышэйшых раслін: вучэбны дапаможнік для студэнтаў устаноў вышэйшай адукацыі па біялагічных спецыяльнасцях. — Гомель: ГДУ, 2012. — 337 с. ISBN 978-985-439-644-6
• Иванина Л. И. Семейство 28. Рясковые — Lemnaceae // Флора СССР. В 30-ти томах / Главный редактор акад. В. Л. Комаров; Редактор тома Б. К. Шишкин. — М.—Л.: Издательство Академии Наук СССР, 1935. — Т. III. — С. 491—494. — 636 + XXV с. — 5 175 экз.