Распаўсюджванне COVID-19 у Беларусі

З пляцоўкі Вікіпедыя
Jump to navigation Jump to search
Карта распаўсюджвання каронавіруснай інфекцыі ў Беларусі:      100 и больш пацверджаных выпадкаў      30—99 пацверджаных выпадкаў      4—29 пацверджаных выпадкаў      1—3 пацверджаных выпадка

Першы выпадак захворвання каронавіруснай інфекцыяй COVID-19 у Беларусі афіцыйна пацверджаны 28 лютага 2020 года.

Па стане на 2 красавіка 2020 года выяўлена 304 выпадкі заражэння, 46 пацыентаў паправіліся, 4 памерлі[1].

Створаны сайт для інфармавання аб стане спраў па барацьбе з вірусам і рэкамендацыямі для насельніцтва.

Храналогія[правіць | правіць зыходнік]

Дата Новых заражэнняў Агулам заражэнняў Выпісана Памерлі
27.02.2020 1 1 0 0
03.03.2020 3 4 0 0
04.03.2020[2] 2 6 0 0
07.03.2020 0 6 1 0
10.03.2020[3] 3 9 3
11.03.2020[4] 3 12 3 0
12.03.2020[5] 9 21 3 0
13.03.2020[6] 6 27 3 0
16.03.2020[7] 9 36 3 0
17.03.2020 0 36 3 0
18.03.2020[8] 15 51 5 0
20.03.2020[9] 18 69 15 0
21.03.2020[10] 7 76 15 0
23.03.2020[11] 5 81 22 0
23.03.2020[12] 5 81 22 0
25.03.2020[13] 5 86 29 0
27.03.2020[14] 8 94 32 0
30.03.2020[15] 58 152 47 0
02.04.2020[1] 87 304 46 4



28 лютага 2020 года Міністэрства аховы здароўя Рэспублікі Беларусь пацвердзіла першы выпадак інфікавання ў краіне. 27 лютага тэст студэнта БНТУ з Ірана даў станоўчы вынік і ён быў змешчаны ў бальніцу ў Мінску. Ён прыбыў у Беларусь рэйсам з Баку 22 лютага 2020 года.

3 сакавіка 2020 года стала вядома пра чатырох хворых на каронавірус[16]. Станам на 4 сакавіка дыягназ пастаўлены 6 пацыентам. 10 сакавіка было заяўлена пра 9 выпадкаў каронавіруса ў краіне. 11 сакавіка Міністэрства аховы здароўя паведаміла пра тры новыя станоўчыя тэсты на COVID-19 у беларускіх грамадзян — жыхароў Мінска, Гродна і Гомеля. Такім чынам, у краіне на гэты дзень было 12 выпадкаў каронавіруса[17].

12 сакавіка Саветам міністраў прынята рашэнне пра абмежаванне ўсіх культурна-масавых, спартыўных і навуковых мерапрыемствы з міжнародным удзелам да 6 красавіка[18].

Станам на 13 сакавіка, выяўлена 27 выпадкаў заражэння[19].

13 сакавіка Беларуская чыгунка часова прыпыніла курсіраванне цягнікоў у Чэхію, 14 сакавіка — Польшчу, Германію і Францыю, 15 сакавіка — Украіну, Латвію і Літву[20]. Таксама былі адменены авіярэйсы ў 25 краін[21].

Станам на 16 сакавіка, выяўлена 36 выпадкаў заражэння[22].

Па стане на 18 сакавіка выяўлены 51 выпадак заражэння[23], на 20 сакавіка — 69[24], на 21 сакавіка — 76[10].

Па стане на 23 сакавіка 2020 года выяўлена 81 выпадак заражэння. У Гомельскай вобласці хворых на два чалавекі (дыягназ у тым ліку пацверджаны ў жыхаркі Жыткавічаў), у Гродне — адзін чалавек, у Мінску — больш за 40, каля 30 — у Віцебску. 41 выпадак завазны, астатнія заразіліся ў краіне. Сярод тых, хто захварэў, адзін замежнік і 80 беларусаў. Сярэдні ўзрост пацыентаў — ад 15 гадоў да 49 гадоў. Самому старэйшаму 78 гадоў, самаму малодшаму — 3 гады (кантактаваў з мамай). Сярод медработнікаў заражаных каронавірусам няма. Аднак ёсць медработнікі на каранціне, бо былі ў кантакце з пацыентамі, у якіх вірус пацвердзіўся[12].

На 25 сакавіка 2020 года выяўлена 86 выпадкаў заражэння. Праведзена каля 23 тыс. тэстаў на COVID-19. Выпісаныя ці рыхтуюцца да выпіскі 29 пацыентаў. Працягваецца медыцынскі кантроль і лячэнне 57 пацыентаў. Яшчэ па двух пацыентах спецыялісты праводзяць дадатковую праверку ў сувязі з неадназначнасцю атрыманых вынікаў.[13]

На 27 сакавіка выяўлены 91 выпадак заражэння. Праведзена каля 24 тыс. тэстаў на COVID-19. Выпісаны або рыхтуюцца да выпіскі 32 пацыенты. Працягваецца медыцынскі кантроль і лячэнне 62 пацыентаў[14].

На 30 сакавіка выяўлена 152 выпадкаў заражэння. Праведзена больш за 30 тыс. тэстаў на COVID-19. Выпісаны або рыхтуюцца да выпіскі 47 пацыентаў. Працягваецца медыцынскі кантроль і лячэнне 105 пацыентаў[15].

20 сакавіка 2020 года заслужаны артыст Рэспублікі Беларусь, акцёр Нацыянальнага акадэмічнага драматычнага тэатра імя Якуба Коласа (Віцебск) Віктар Дашкевіч і ягоная жонка Святлана, загадчыца тэатральнай трупы, адчулі сябе кепска, паднялася тэмпература. На наступны дзень іх паклалі ў лякарню. У мужчыны, які ўжо меў хранічную абструктыўную хваробу лёгкіх, пацвердзілі COVID-19. Тыдзень ён знаходзіўся ў рэанімацыі на апараце штучнай вентыляцыі лёгкіх. У ноч на 31 сакавіка памёр. Віктар Дашкевіч стаў першай ахвярай каранавірусу ў Беларусі[25] падчас пандэміі COVID-19 2019-2020 гадоў.

Зноскі[правіць | правіць зыходнік]

  1. 1,0 1,1 В Республике Беларусь регистрируется поступательное увеличение числа заболевших COVID-19. (руск.) . Официальный канал Министерства здравоохранения Республики Беларусь в Телеграм (31 сакавіка 2020). Праверана 2 красавіка 2020.
  2. Шесть случаев коронавируса подтверждено в Беларуси. (руск.) . Министерство здравоохранения Республики Беларусь (4 сакавіка 2020). Праверана 16 сакавіка 2020.
  3. В Беларуси еще у трех человек подтвердили коронавирус. Трех первых пациентов готовы выписывать (руск.) . TUT.by (10 сакавіка 2020). Праверана 16 сакавіка 2020.
  4. У 3 граждан из Минска, Гродно и Гомеля диагностирован COVID-19 (руск.) . Министерство здравоохранения Республики Беларусь (11 сакавіка 2020). Праверана 16 сакавіка 2020.
  5. О лабораторном контроле граждан по COVID19 (руск.) . Министерство здравоохранения Республики Беларусь (12 сакавіка 2020). Праверана 16 сакавіка 2020.
  6. Пациентов с коронавирусом в Беларуси уже 27 (руск.) . TUT.by (13 сакавіка 2020). Праверана 16 сакавіка 2020.
  7. COVID-19 : о состоянии пациентов (руск.) . Министерство здравоохранения Республики Беларусь (16 сакавіка 2020). Праверана 16 сакавіка 2020.
  8. В Беларуси уже зарегистрирован 51 случай коронавируса (руск.) . Праверана 18 сакавіка 2020.
  9. За три недели в Беларуси зафиксировано 69 случаев коронавируса, 15 пациентов уже здоровы (руск.) . TUT.BY (20 сакавіка 2020). Праверана 20 сакавіка 2020.
  10. 10,0 10,1 В Беларуси — 76 случаев коронавируса (руск.) . TUT.BY (21 сакавіка 2020). Праверана 21 сакавіка 2020.
  11. В Беларуси зафиксирован 81 случай коронавируса. Среди носителей есть 3-летний ребенок, он он не болен (руск.) . TUT.BY (23 сакавіка 2020). Праверана 23 сакавіка 2020.
  12. 12,0 12,1 В Беларуси зафиксирован 81 случай заражения коронавирусом. Самому маленькому пациенту — 3 года (руск.) . TUT.BY (23 сакавіка 2020). Праверана 23 сакавіка 2020.
  13. 13,0 13,1 На сёння ў Беларусі праведзена каля 23 тыс. тэстаў на COVID-19 (руск.) . Афіцыйны канал Міністэрства аховы здароўя Рэспублікі Беларусь у Telegram (25 сакавіка 2020). Праверана 25 сакавіка 2020.
  14. 14,0 14,1 Мінздароўя: У Беларусі 94 выпадкі каранавіруса (бел.) . Праверана 27 сакавіка 2020.
  15. 15,0 15,1 В Беларуси 152 случая коронавируса, выздоровели 47 человек (руск.) . Праверана 31 сакавіка 2020.
  16. Состояние пациентов, у которых был диагностирован COVID-19, удовлетворительное (руск.) . Министерство здравоохранения Республики Беларусь (3 сакавіка 2020). Праверана 15 сакавіка 2020.
  17. Шесть человек вернулись из-за границы, шестеро заразились дома. Что известно о пациентах с коронавирусом (руск.) . TUT.BY (11 сакавіка 2020). Праверана 15 сакавіка 2020.
  18. В Беларуси запрещают массовые мероприятия с международным участием (руск.) . Onliner.by (12 сакавіка 2020). Праверана 15 сакавіка 2020.
  19. Официальный Минздрав (руск.) . Министерство здравоохранения Республики Беларусь (13 сакавіка 2020). Праверана 15 сакавіка 2020.
  20. Новости пассажирам (руск.) . БЖД. Праверана 15 сакавіка 2020.
  21. Карантин вокруг. Куда сейчас нельзя уехать из Беларуси (руск.) . TUT.BY (15 сакавіка 2020). Праверана 15 сакавіка 2020.
  22. COVID-19 : о состоянии пациентов (руск.) . Министерство здравоохранения Республики Беларусь (16 сакавіка 2020). Праверана 16 сакавіка 2020.
  23. COVID-19 : о состоянии пациентов (руск.) . Министерство здравоохранения Республики Беларусь (16 сакавіка 2020). Праверана 16 сакавіка 2020.
  24. О СИТУАЦИИ ПО COVID-19 (руск.) . Министерство здравоохранения Республики Беларусь. Праверана 20 сакавіка 2020.
  25. svaboda.org