Расійска-беларускі нафтавы канфлікт (2020)

З пляцоўкі Вікіпедыя
Jump to navigation Jump to search

Расійска-беларускі нафтавы канфлікт — чарговы канфлікт урадаў і кампаній Расійскай Федэрацыі і Рэспублікі Беларусь вакол паставак нафты.

Перадгісторыя[правіць | правіць зыходнік]

30 і 31 снежня 2019 г. прэзідэнты абодвух краін, А. Лукашэнка і У. Пуцін, вялі перамовы пра пастаўкі нафты ў 2020 г., але не дамовіліся. 31 снежня А. Лукашэнка даручыў завозіць нафту з партоў Балтыйскага мора і задзейнічаць альтэрнатыўныя пастаўкі па магістральным нафраправодзе «Дружба»[1].

У сваю чаргу, Расія, дагэтуль не кампенсавала Беларусі страты за пастаўкі бруднай нафты ў красавіку 2019 г. Не ўзгаднілі кампенсацыю за расійскі падатковы манеўр. У бюджэт-2020 Беларусі закладзены страты ў памеры 951 млн. рублёў.

Канфлікт[правіць | правіць зыходнік]

1 студзеня 2020 г. Расія спыніла пастаўкі нафты ў Беларусь[2], але расійская нафта працягвала паступаць транзітам праз Беларусь у краіны Еўропы[3]. У выніку, нафтаперапрацоўчыя прадпрыемства Беларусі вымушаны былі працаваць на рэштках, якія засталіся з 2019 г.

3 студзеня Прадстаўніца Міністэрства транспарту Латвіі І. Канцэна паведаміла, што прадпрыемствы Латвіі, у т. л. марскія порты і чыгунка, гатовыя прадставіць Беларусі паслугі перагрузкі, захавання і транспартавання нафты[4]. У той жа дзень, кіраўнік транспартнай кампаніі LG Cargo Э. Лазаўскас, заявіў журналістам, што Літва можа прапанаваць Беларусі інфраструктуру для паставак сырой нафты ў аб'ёме да 3 млн тонаў на год[5].

Супрацоўнік прэс-службы «Белнафтахіму» заявіла, што «экспарт нафтапрадуктаў часова прыпынілі»[6].

14 студзеня Беларусь накіравала камерцыйныя прапановы аб куплі нафты ва «ўсе магчымыя краіны: і Украіна, і Польшча, і краіны Балтыі, і Казахстан, Азербайджан», заявіў сёння першы віцэ-прэм'ер Беларусі Дз. Круты[7]. У сваю чаргу, афіцыйны прадстаўнік дзяржаўнай нафтавай кампаніі Азербайджана (SOCAR) І. Ахмедаў паведаміў, што Азербайджан гатовы пастаўляць нафту Беларусі, перамовы пра гэта былі, але пакуль што канкрэтнага рашэння няма[8].

15 студзеня паводле слоў часовага дырэктара кампаніі Klaipedos nafta Г. Сабаляўскаса, літоўскі бок гатовы перавальваць да 3 млн тон сырой нафты з судоў. Дырэктар Клайпедскага порта па маркетынгу і агульных пытаннях А. Друнгілас казаў, што тэарэтычна нафту для Беларусі можна было б імпартаваць і праз Буцінгскі нафтатэрмінал, кантраляваны кампаніяй Orlen Lietuva, аднак гэтая кампанія з'яўляецца канкурэнтам беларускіх заводаў[9].

17 студзеня віцэ-прэм'ер Беларусі І. Ляшэнка і в.а. віцэ-прэм'ер Д. Казак не здолелі вырашыць рознагалоссі па цане на сыравіну[10].

Гл. таксама[правіць | правіць зыходнік]

Зноскі

  1. Лукашэнка дамовіўся зь Мядзьведзевым аб пастаўках расейскіх вуглевадародаў у Беларусь без кантрактаў. Радыё Свабода (31 снежня 2019). Праверана 14 студзеня 2020.
  2. Карней, Ігар Расея спыніла пастаўкі нафты ў Беларусь з 1 студзеня. Радыё Свабода (3 студзеня 2020). Праверана 14 студзеня 2020.
  3. Літвінава, Алена Спыненьне паставак нафты ў Беларусь не адбілася на транзыце праз нафтаправод «Дружба». Радыё Свабода (3 студзеня 2020). Праверана 14 студзеня 2020.
  4. В Латвии заявили о готовности оказать Белоруссии услуги по транспортировке нефти (руск.) . ТАСС (3 студзеня 2020). Праверана 14 студзеня 2020.
  5. В Литве заявили, что готовы перевозить в Белоруссию до 3 млн тонн нефти (руск.) . ТАСС (3 студзеня 2020). Праверана 14 студзеня 2020.
  6. Беларусь приостановила экспорт нефтепродуктов с 1 января (руск.) . Интерфакс (3 студзеня 2020). Праверана 14 студзеня 2020.
  7. Крутой: платить российским нефтяным компаниям премии в прежних объемах бессмысленно и нецелесообразно (руск.) . БелТА (14 студзеня 2020). Праверана 14 студзеня 2020.
  8. Госнефтекомпания Азербайджана готова поставлять Белоруссии нефть (руск.) . РИА Новости (14 студзеня 2020). Праверана 14 студзеня 2020.
  9. Вилюцкас, Паулюс Беларусь просит Литву переваливать предназначенную для нее нефть (руск.) . Delfi (15 студзеня 2020). Праверана 16 студзеня 2020.
  10. Россия и Беларусь продолжат переговоры по нефтяному вопросу (руск.) . Интерфакс (2020-01-157). Праверана 18 студзеня 2020.