Дарагастайскія
(Пасля перасылкі з Род Дарагастайскіх)
Дарагаста́йскія, таксама Монвіды-Дарагастайскія — шляхецкі род герба «Ляліва». Галіна Аляхновічаў, маюць адно паходжанне з родамі Забярэзінскіх, Кухмістровічаў і Іжыкавічаў. Прозвішча ад маёнтка Дарагастаі (Дарагастай) у Луцкім павеце. Вызнавалі кальвінізм. Карысталіся прыдомкам Монвід ад імя сваяка Манівіда, што жыў у XIV—XV стст.
Вядомыя прадстаўнікі[правіць | правіць зыходнік]
- Мікалай (Аляхновіч; каля 1530—1597), сын Мікалая Пятровіча Аляхновіча (Кухмістровіча). Каралеўскі дваранін, стольнік вялікі літоўскі ў 1566—1576, ваявода полацкі з 1567; цівун гандынскі з 1566, дзяржаўца вяленскі, шарашэўскі з 1574, бейсаголаўскі, староста ваўкавыскі з 1576, лепельскі.
- Пётр (?—1611), сын Мікалая. Кашталян менскі ў 1597—1600, ваявода мсціслаўскі ў 1600—1605 і смаленскі з 1605.
- Уладзіслаў (1611 — май 1638), сын Крыштофа Мікалая. Староста жыжморскі, пасол на сойм 1634, маршалак трыбунальскі 1636, чашнік вялікі літоўскі з 1636.
- Віталь Чэслававіч (1879—1938), зоагеограф, даследчык Байкала.
Спасылкі[правіць | правіць зыходнік]
На Вікісховішчы пакуль няма медыяфайлаў па тэме, але Вы можаце загрузіць іх- Дарагастайскія на сайце Электронная энцыклапедыя «Вялікае Княства Літоўскае»
