Род Тэйлар

Род Тэйлар
Імя пры нараджэнні	англ.: Rodney Taylor
Род дзейнасці	тэатральны акцёр, кінаакцёр, сцэнарыст, кінапрадзюсар, тэлеакцёр, акцёр, акцёр агучвання, пісьменнік
Дата нараджэння	11 студзеня 1930(1930-01-11)
Месца нараджэння	Сідней, Новы Паўднёвы Уэльс, Аўстралія
Дата смерці	7 студзеня 2015(2015-01-07) (84 гады)
Месца смерці	Лос-Анджэлес, акруга Лос-Анджэлес, Каліфорнія, ЗША
Месца пахавання	Галівуд-Хілз[d]
Грамадзянства	Аўстралія
Дзеці	Felicia Taylor[d]
Альма-матар	Parramatta High School[d] East Sydney Technical and Fine Arts College[d]
Сайт	rodtaylorsite.com
Медыяфайлы на Вікісховішчы

Род Тэйлар (англ.: Rod Taylor; 11 студзеня 1930(1930-01-11), Сідней — 7 студзеня 2015(2015-01-07), Лос-Анджэлес, Каліфорнія) — аўстралійскі і амерыканскі акцёр.

Біяграфія

Тэйлар нарадзіўся ў прыгарадзе Сіднея. Бацька — Уільям Стэрт Тэйлар, падрадчык і камерцыйны мастак; маці — Мона Тэйлар (пры нараджэнні: Томпсан), аўтар больш за сотню апавяданняў і кніг для дзяцей. Яго другое імя паходзіць ад стрыечнага прапрадзеда, капітана Чарльза Стэрта, даследчыка Аўстраліі.

Тэйлар вучыўся ў Парамацкай школе, затым ва Усходнесіднейскім каледжы тэхнікі і прыгожых мастацтваў. Некаторы час працаваў камерцыйным мастаком, але, убачыўшы Лорэнса Аліўе ў «Рычардзе III» падчас гастроляў «Олд Вік», вырашыў стаць акцёрам.

Тэйлар працаваў у тэатры і на радыё. У 1951 годзе ён прыняў удзел у рэканструкцыі падарожжа Чарльза Стэрта па рэках Маррамбіджы і Мурэй, згуляўшы памочніка Стэрта, Джорджа Маклея; у тым жа годзе на аснове рэканструкцыі быў зняты кароткаметражны фільм «Углыб краіны са Стэртам». На вялікім экране дэбютаваў у ролях амерыканца ў карціне «Кароль Каралавага мора» (1954) і Ізраэля Хэндса ў неафіцыйным працягу «Выспы скарбаў» «Цыбаты Джон Сільвер».

У 1955 годзе Тэйлар пачаў здымацца ў Галівудзе, час ад часу вяртаючыся ў Аўстралію. Найбольш прыкметнай роляй яго стала роля вандроўцы ў вольнай экранізацыі навукова-фантастычнага рамана Герберта Уэлса «Машына часу», знятай у 1960 году рэжысёрам Джорджам Палам.

Фільмаграфія

• (1963) «Птушкі» — Міч Брэнер
• (2009) «Бясслаўныя вырадкі» — Уінстан Чэрчыль, прэм’ер-міністр Вялікабрытаніі.