Рохл Бернштэйн

Рохл Бернштэйн
Асабістыя звесткі
Псеўданімы	Yegudis і Yehudis
Дата нараджэння	1869
Месца нараджэння	Мінск, Мінскі павет, Мінская губерня, Расійская імперыя
Дата смерці	1942
Месца смерці	Масква, РСФСР, СССР
Грамадзянства	Расійская імперыя  СССР
Дзеці	Q128407541?
Прафесійная дзейнасць
Род дзейнасці	паэтка, пісьменніца, драматург
Мова твораў	ідыш

Рохл Бернштэйн (літаратурны псеўданім Ягудзіс; 1869, Мінск — 1942, Масква) — яўрэйская паэтэса, празаік і драматург. Пісала на ідыш.

Біяграфія

З заможнай сям’і. Атрымала прыватную адукацыю, з дванаццацігадовага ўзросту працавала ў бацькоўскай краме. У 1880-х гадах удзельнічала ў рэвалюцыйным руху ў Мінску. Дэбютавала ў 1907 годзе ў пецярбургскай газеце «Дэр фрайнд» расповедам «У зімовую суботу» (а вінтэр—шабэс). У 1909 годзе ў выдаваным Хаімам Жытлоўскім часопісе «Дос найе лэбм» (Новае жыццё) была апублікавана яе аднаактовая п’еса «Ба дэр арбэт» (На працы), у 1911 годзе там жа «Ін ундзэрэ тэг» (У нашы дні). Разам з мужам Шмуэлам Бернштэйнам трымала літаратурны салон. Апублікавала лірычныя вершы, нарысы, няскончаны раман у нью-ёркскім штогодніку «Дос найе ланд» (Новая краіна), зборніку «Фрае тэг» (Вольныя дні, Варшава).

Пасля рэвалюцыі 1917 года публікавала апавяданні, нарысы, вершы, успаміны ў мінскай бундысцкай газеце «Дэр вэкер» (Будзільнік) і іншых перыядычных выданнях. П’еса ў трох актах «Дэр эрштэр май» (Першае мая) аб яўрэйскім рабочым руху напярэдадні рэвалюцыі 1905 года была выдадзена асобнай кнігай (Мінск, 1925), суправаджалася словамі рэвалюцыйных песень. У 1923 годзе апублікавала пераклад рамана С. А. Сямёнава «Голад».

Вершы Ягудзіс уключаліся ў анталогіі «Финеф hундерт йор идише поэзие» (пяцьсот гадоў яўрэйскай паэзіі, укладальнік Марыс Басін, 1917) і «Ідышэ дыхтэрнс» (Яўрэйскія паэтэсы, укладальнік Эзра Корман, 1927). У чэрвені 1941 года была эвакуяваная з Мінска ў Маскву, дзе памерла ў наступным годзе.

Унучка — перакладчыца Іна Максімаўна Бернштэйн.