Роўкавіцкі сельсавет
| Роўкавіцкі сельсавет | |
|---|---|
| Краіна |
 Беларусь |
| Уваходзіць у | Чачэрскі раён |
| Уключае | 19 населеных пунктаў |
| Адміністрацыйны цэнтр | Роўкавічы |
| Дата ўтварэння | 8 снежня 1926 |
| Насельніцтва (2019) | 765 |
| Часавы пояс | UTC+03:00 |
| Тэлефонны код | 2332 |
| Код аўтам. нумароў | 3 |
| Афіцыйны сайт | |
Ро́ўкавіцкі сельсавет — адміністрацыйна-тэрытарыяльная адзінка ў складзе Чачэрскага раёна Гомельскай вобласці Беларусі. Цэнтр — аграгарадок (да 2009 года вёска) Роўкавічы.
Пасля другога ўзбуйнення БССР з 8 снежня 1926 года сельсавет у складзе Чачэрскага раёна Гомельскай акругі БССР. 30 снежня 1927 года сельсавет узбуйнены, у яго склад увайшла тэрыторыя скасаваных Залаўскага і Караблішчанскага сельсаветаў. Пасля скасавання акруговай сістэмы 26 ліпеня 1930 года ў Чачэрскім раёне БССР. З 20 лютага 1938 года ў складзе Гомельскай вобласці. 25 мая 1961 года да сельсавета далучана частка скасаванага Глыбочыцкага сельсавета (5 населеных пунктаў: Заложжа, Куракі, Матнявічы, Ржавец і Рэпішча)[1]. З 25 снежня 1962 года ў складзе Буда-Кашалёўскага раёна, з 6 студзеня 1965 года ў складзе адноўленага Чачэрскага раёна. 20 мая 1991 года да сельсавета далучана тэрыторыя скасаванага Крутоеўскага сельсавета, 20 чэрвеня 1991 года — тэрыторыя скасаванага Халоцкага сельсавета. У 2007 годзе скасаваны пасёлак Шапрудаўка, 24 верасня 2025 года — пасёлак Аляксееўка[2].
Насельніцтва сельсавета паводле перапісу 2009 года — 979 чалавек[3], з іх 93,3 % — беларусы, 4,6 % — рускія, 0,8 % — украінцы[4]; паводле перапісу 2019 года — 765 чалавек[5].
Зноскі
- ↑ Рашэнні выканкома Гомельскага абласнога Савета дэпутатаў працоўных ад 15 чэрвеня, 13 ліпеня і 10 жніўня 1961 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1961, № 28 (948).
- ↑ Решение Чечерского районного Совета депутатов от 18 сентября 2025 года № 77 Об упразднении сельских населенных пунктов Чечерского района. pravo.by.
- ↑ Колькасць насельніцтва населеных пунктаў Гомельскай вобласці Беларусі паводле перапісу 2009 года
- ↑ Этнічны склад насельніцтва сельсаветаў Беларусі паводле перапісу 2009 года
- ↑ Колькасць насельніцтва населеных пунктаў Гомельскай вобласці Беларусі паводле перапісу 2019 года
Літаратура
[правіць | правіць зыходнік]- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.
