Ружы Геліягабала

З пляцоўкі Вікіпедыя
Jump to navigation Jump to search
The Roses of Heliogabalus.jpg
Лоўрэнс Альма-Тадэма
Ружы Геліягабала. 1888
The Roses of Heliogabalus
Палатно, масла. 132 × 213 см
прыватная калекцыя

«Ружы Геліягабала» (англ.: The Roses of Heliogabalus) — карціна англійскага мастака Лоўрэнса Альма-Тадэмы, напісаная ў 1888 годзе.

Альма-Тадэма ўзяў за аснову карціны сумніўнае апавяданне «Гісторыі аўгустаў» пра тое, што падчас банкета рымскі імператар Геліягабал загадаў рассыпаць са столі ружы ў такой колькасці, што запрошаныя на банкет яго ворагі задыхнуліся.

На першым плане карціны намаляваны госці, накрытыя пялёсткамі руж. На заднім плане бачныя сам Геліягабал у залатой дыядэме і яго маці Юлія Саэмія. Справа за Геліягабалам стаіць жанчына, якая іграе на аўласе, а ўдалечыні бачная статуя Дыяніса, напісаная мастаком з арыгінала, які захоўваецца ў музеях Ватыкана.

Суадносіны бакоў палатна складаюць 132×213, што практычна роўна залатому сячэнню.

Спасылкі[правіць | правіць зыходнік]