Рурык Расціславіч (князь перамышльскі)

З пляцоўкі Вікіпедыя
Jump to navigation Jump to search
Рурык Расціславіч (князь перамышльскі)
 
Дзейнасць: арыстакрат
Нараджэнне: XI стагоддзе
Смерць: 1092
Дынастыя: Рурыкавічы
Бацька: Расціслаў Уладзіміравіч

Рурык Расціславіч (да 1066 — 1092) — князь перамышльскі (да 1086—1092).

Біяграфія[правіць | правіць зыходнік]

Сын Расціслава Уладзіміравіча. Упершыню успамінаецца «Аповесцю мінулых гадоў» пад 1086 г., як князь Перамышля, горада на мяжы Русі з Польшчай, у сувязі з забойствам уладзімір-валынскага князя Яраполка Ізяславіча.[1]

Яшчэ ў 1084 годзе браты Рурыка — Валадар і Васілька — удзельнічалі ў канфлікце з Яраполкам Ізяславічам з-за Уладзімір-Валынскага. Зімой 1086 года Яраполк пайшоў супраць Расціславічаў, але каля Звянігарада быў забіты ўласным дружыннікам. Забойца — Нярадзец — збег у Перамышль да Рурыка, таму супраць Расціславічаў узнікла падазрэнне. А. Рапаў дапускае, што падазрэнні былі слушныя, Расціславічы па смерці Яраполка Ізяславіча спадзяваліся ўсё ж атрымаць Уладзімір-Валынскі, але гэта не здзейснілася.[2]

Невядома з якога часу Рурык трымаў Перамышль. Толькі ў В. М. Тацішчава ёсць звесткі, што ў 1077 годзе Расціславічы разам з палякамі былі саюзнікамі Ізяслава Яраславіча ў вяртанні кіеўскага стальца. А. Рапаў давярае тацішчаўскім звесткам і робіць выснову, што Расціславічы ўжо ў 1070-я трымалі ўладанні на заходніх межах Русі, а саюзніцтвам з Ізяславам Яраславічам хацелі гэтыя ўладанні пашырыць.[3]

Па смерці Рурыка ў 1092 годзе Перамышль перайшоў да яго брата Валадара.[2]

Зноскі

  1. Рапов О. Княжеские… С. 69.
  2. 2,0 2,1 Рапов О. Княжеские… С. 70.
  3. Рапов О. Княжеские… С. 69-70.

Літаратура[правіць | правіць зыходнік]

  • Рапов О. Княжеские владения на Руси в X — первой половине XIII в. — М.: Изд-во МГУ, 1977. — 268 с.