Руслан Іосіфавіч Чарнецкі

Руслан Іосіфавіч Чарнецкі
дэпутат Палаты прадстаўнікоў Нацыянальнага сходу Рэспублікі Беларусь 2024 — 2 снежня 2024
міністр культуры Рэспублікі Беларусь з 2 снежня 2024
Папярэднік	Анатоль Мечыслававіч Маркевіч
Нараджэнне	1 ліпеня 1981(1981-07-01) (44 гады) Мінск, Беларуская ССР, СССР
Грамадзянства	Беларусь
Адукацыя	тэатральны факультэт Беларускай дзяржаўнай акадэміі мастацтваў
Месца працы	Нацыянальны акадэмічны драматычны тэатр імя Максіма Горкага Агульнанацыянальнае тэлебачанне
Узнагароды	Крыштальная кветка[d] Нацыянальная тэатральная прэмія

Руслан Іосіфавіч Чарнецкі (нар. 1 ліпеня 1981, г. Мінск) — беларускі акцёр тэатра і кіно, дэпутат Палаты прадстаўнікоў і міністр культуры Беларусі з 2024 года.

Біяграфія

Нарадзіўся 1 ліпеня 1981 года ў г. Мінску.

Скончыў тэатральны факультэт Беларускай дзяржаўнай акадэміі мастацтваў па спецыяльнасці «Акцёрскае майстэрства драматычнага тэатра і кіно».

Вядучы майстар сцэны Нацыянальнага акадэмічнага драматычнага тэатра імя М. Горкага.

Вядучы дзяржаўных спецыяльных мерапрыемстваў, вядучы ТБ-праекта «Наша раніца» (Другі нацыянальны тэлеканал АНТ).

У 2024 годзе стаў дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Ясенінскай акругі № 99. Член Пастаяннай камісіі па адукацыі, культуры і навуцы.

2 снежня 2024 года прызначаны Міністрам культуры Беларусі.

Узнагароды

Лаўрэат прэміі Саюза тэатральных дзеячаў «Крыштальная кветка» за яркі і таленавіты дэбют (2011), лаўрэат прэміі «За лепшую мужчынскую ролю» Брэсцкага міжнароднага кінафестывалю, лаўрэат Нацыянальнай тэатральнай прэміі «За лепшую мужчынскую ролю» ў намінацыі «Музычны спектакль».

Заслужаны артыст Рэспублікі Беларусь.

Творчасць

У Нацыянальным акадэмічным драматычным тэатры імя М. Горкага:

• Немец — «Выпадковы вальс» Б. Луцэнкі, У. Арлова
• Джымі — «Трохграшовая опера» Б. Брэхта, К. Вайля
• Клаўдзіа — «‘‘Анджэла'' і іншыя…» А. Еранькова, рок-опера па творах А. Пушкіна
• Рогач (галоўная) — «Легенда пра беднага д’ябла» У. Караткевіча
• «Раскiданае гняздо» Я. Купалы
• «Сон на кургане» Я. Купалы
• Залаты мужчына — «Валянцінаў дзень» І. Вырыпаева
• Іван Іваныч — «Каштанка» А. Чэхава
• Іван (галоўная) — па матывах рускіх народных казак «Царэўна-Жаба»
• Барталамеа, Нікалас — «Утаймаванне наравістай» Вільяма Шэкспіра
• Старыкаў — «Жаніхі» Мікалая Гогаля
• Дэні Дзідро (галоўная) — «Распуснік» Эрыка-Эмануэля Шміта
• Дэ Брызар — «Бег» Міхаіла Булгакава
• Фердынанд Маркандаль (галоўная) — «Мачаха» Анарэ дэ Бальзака
• Эдып (галоўная) — «Эдып» Алены Мінчуковай
• Рычард Ільвінае Сэрца — «Леў узімку» Джэймса Голдмена
• Аляксей Сцяпанавіч Малчалін; Г. D. — «Гора ад розуму» Аляксандра Грыбаедава
• Іл (галоўная) — «Загадкавы візіт» (Візіт старой дамы) Фрыдрыха Дзюрэнмата

Антрэпрыза (тэатральна-канцэртнае агенцтва «Альфа-канцэрт»):

• Бары (галоўная) — «LADIE`S NIGHT» Жака Калара, Энтані Мак-Картэна, Стэфана Сінклера
• Джэк (галоўная) — «Прымадоны» Кена Людвіга
• Бернар (галоўная) — «Боінг, боінг, боінг» Марка Камалеці

Фільмаграфія

• Пра людзей і пра вайну-3 (кароткаметражны) (2023) — старшы сяржант
• Праведнік (2023) — эпізод
• На сваім месцы (2023) — Ілья
• На другім беразе (2023, Беларусь)
• Чарнобыль (2022) — эпізод
• Танга для адной (2022)
• Адзіночкі (2022) — Вадзім
• Тайна спячай дамы (2021) — Леанід у маладосці
• Сваты-7 (Украіна, Беларусь, 2021) — Рыбкін, муж Святланы
• Начны рэжым (2021) — Гур’янаў
• Дзверы ў мінулае (2021) — апякун
• Вікінгі. Перад тварам Одзіна (Беларусь, 2021) — Харальд

Сям’я

Мае дачку.

Спасылкі

• Біяграфія на сайце Палаты прадстаўнікоў Нацыянальнага сходу Рэспублікі Беларусь
• Руслан Іосіфавіч Чарнецкі на сайце анлайн-энцыклапедыі «Беларусь у асобах і падзеях»