Рыа-Каларада

Рыа-Каларада
ісп. Río Colorado
Характарыстыка
Даўжыня	1200 км
Басейн	каля 350 000 км²
Расход вады	140 м³/с (у ніжнім цячэнні)
Вадацёк
Выток	зліццё рэк: Рыа-Грандэ і Баранкас
• Каардынаты	36°52′20″ пд. ш. 69°45′35″ з. д.
Вусце	Атлантычны акіян
• Вышыня	0 м
• Каардынаты	39°41′24″ пд. ш. 62°05′38″ з. д.
Размяшчэнне
Водная сістэма	Атлантычны акіян
Краіна	Аргенціна
Рэгіён	Патагонія
— выток, — вусце
Медыяфайлы на Вікісховішчы

Ры́а-Калара́да (ісп.: Río Colorado — чырвоная рака) — рака ў Аргенціне, на поўначы Патагоніі.

Даўжыня ракі больш за 1200 км. Плошча вадазбору каля 350 000 км². Утвараецца ад зліцця рэк Рыа-Грандэ і Баранкас, вытокі якіх знаходзяцца на ўсходніх схілах Андаў. Працякае ў глыбокай даліне праз раўніны ў паўночнай частцы Патагоніі. Упадае ў заліў Эль-Рынкон Атлантычнага акіяна, утвараючы дэльту. Сярэдні расход вады ў ніжнім цячэнні складае 140 м³/с, гадавы аб’ём сцёку — 4,13 км³. Галоўныя паводкі адбываюцца ў веснавы перыяд (ад раставання снегу ў Андах).

Рака суднаходная на адлегласці 320 км ад вусця.

Літаратура

• Рыо-Каларада // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 517. — 10 000 экз. — ISBN 985-11-0035-8. — ISBN 985-11-0216-4 (т. 13).
• Рио-Колорадо // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)
• Рио-Колорадо // Словарь современных географических названий / Рус. геогр. о-во. Моск. центр; Под общ. ред. акад. В. М. Котлякова. Институт географии РАН. — Екатеринбург: У-Фактория, 2006. (руск.)