Рыгор Іванавіч Шацько

З пляцоўкі Вікіпедыя
Jump to navigation Jump to search

Рыгор Іванавіч Шацько (нар. 16 красавіка 1959, Ракаў, Валожынскі раён) — беларускі акцёр. Заслужаны артыст Рэспублікі Беларусь (1999). Прэмія Прэзідэнта Рэспублікі Беларусь «За духоўнае адраджэнне» — за міжнародную культурную дзейнасць (2002).

Біяграфія[правіць | правіць зыходнік]

Скончыўшы Ракаўскую дзесяцігодку, паступіў на філалагічны факультэт БДУ. У школе і ў час службы ў арміі ўдзельнічаў у самадзейнасці, захапляўся тэатральным мастацтвам. Пасля службы паступіў у Мінскі тэатральны інстытут на акцёрскі факультэт. Пасля заканчэння вучобы ў 1984 годзе размеркаваны ў Нацыянальны акадэмічны драматычны тэатр імя Якуба Коласа ў Віцебску. Спачатку працаваў акцёрам, з лістапада 1997 года па 2012 год — дырэктарам тэатра.

Ролі[правіць | правіць зыходнік]

Каробкін («Рэвізор» М.Гогаля), Пятрук («Залёты» В.Дуніна-Марцінкевіча), Ніл («Мяшчане» М.Горкага), Журдэн («Здурнелы Журдэн» М.Булгакава), Кароль Французскі, герцаг Бургундскі («Кароль Лір» У.Шэкспіра), Грэгар («Рэцэпт Макропуласа» К.Чапека), Астраў («Дзядзька Ваня» А.Чэхава), Высокая шапка («Час быка» К.Саі), Элхонен-Гурмізах («Тайбелэ і яе дэман» І. Б. Зінгера, І.Фрыдмана), Яешня («Жаніцьба» М.Гогаля), Уілфрэд Бонд («Квартэт» Р.Харвуда), Бургамістр («Візіт дамы» Ф.Дзюрэнмата), Стары («Макбет» У.Шекспіра), Лотр, кардынал («Хрыстос прызямліўся ў Гародні» Ул. Караткевіча).