Рыгор Фёдаравіч Квітка-Аснаўяненка

Рыгор Фёдаравіч
Квітка-Аснаўяненка
Рыгор Фёдаравіч; Квітка-Аснаўяненка
Квітка-Аснаўяненка на паштовай марцы Украіны, 2003
Род дзейнасці	журналіст, пісьменнік, драматург, празаік, літаратурны крытык
Дата нараджэння	1778
Месца нараджэння	Аснова[d], Аснавянская воласць[d], Харкаўскі павет[d], Харкаўская губерня, Расійская імперыя[…];
Дата смерці	1843
Месца смерці	Харкаў, Расійская імперыя;
Месца пахавання	Другія гарадскія могілкі Харкава[d];
Грамадзянства	Расійская імперыя
Бацька	Fedir Kvitka[d]
Прыналежнасць	Расійская імперыя
Аўтограф
	Медыяфайлы на Вікісховішчы

Рыгор Фёдаравіч Квітка-Аснаўяненка (укр.: Григо́рій Фе́дорович Кві́тка-Основ'я́ненко; 29 лістапада 1778-20 жніўня 1843) — украінскі пісьменнік.

Біяграфія[правіць | правіць зыходнік]

Нарадзіўся ў 1778 годзе ў вёсцы Аснова, пад Харкавам, і амаль усё сваё жыццё правёў у Харкаве.

З малых гадоў быў хваравіты і да 6 гадоў сляпы. Адукацыю атрымаў хатнюю. Нядоўга лічыўся на ваеннай службе. Ён паступіў у 23 гады ў падгародны Куражскі манастыр і прабыў у ім каля 4-х гадоў; па вяртанні з манастыра вёў паўманашскі лад жыцця, пакуль не захапіўся грамадскай дзейнасцю і тэатрам.

Адкрыццё Харкаўскага ўніверсітэта ў 1805 годзе ўнесла вялікае ажыўленне ў жыццё мясцовага грамадства. У 1812 годзе ў Харкаве ўзнік пастаянны тэатр, і Квітка прыняў у ім актыўны ўдзел у якасці акцёра, драматурга і потым гісторыка гэтага тэатра. У тым жа годзе па ініцыятыве Квіткі ўзнікла дабрачыннае таварыства.

З 1816 па 1821 гады ў Харкаве выходзіў «Украінскі веснік» — першы Харкаўскі часопіс, пад рэдакцыяй Квіткі, Філамафіцкага і Ганорскага. Тады ж Квітка друкуе ва «Украінскім весніку» і ў «Весніку Еўропы» невялікія апавяданні і вершы; але ўсё напісанае ім у гэты час слабое і пасля не перавыдаваліся. Несумнеўная літаратурная здольнасць Квіткі праявілася толькі ў пачатку 1830-х гадоў, пераважна ў аповесцях на ўкраінскай мове: «Канатопскай вядзьмарцы», «Марусі», «Ад Тобі і скарб», «Козир-дивка» і г.д. Акрамя таго, ён напісаў шэраг аповесцяў і гістарычных апавяданняў на рускай мове, з якіх найбольш буйны — гісторыка-бытавы раман «Пан Халяўскі».