Рыгор Хацкелевіч Карпілаў

Рыгор Хацкелевіч Карпілаў
Дата нараджэння	6 (18) чэрвеня 1891
Месца нараджэння	Мінск, Мінскі павет, Мінская губерня, Расійская імперыя
Дата смерці	13 лютага 1949(1949-02-13) (57 гадоў)
Месца смерці	Мінск, БССР, СССР
Месца пахавання	Вайсковыя могілкі
Дзеці	Віктар Рыгоравіч Карпілаў
Род дзейнасці	навуковец, оталарынголаг, урач, выкладчык універсітэта, загадчык кафедры
Навуковая сфера	отарыналарынгалогія
Месца працы	Віцебскі дзяржаўны медыцынскі ўніверсітэт БДМУ медыцынскі факультэт БДУ
Навуковая ступень	доктар медыцынскіх навук (1938)
Навуковае званне	прафесар (1938)
Альма-матар	Другі Маскоўскі дзяржаўны ўніверсітэт[d] (1923)
Партыя	КПСС
Узнагароды

Рыгор Хацкелевіч Карпі́лаў (18 чэрвеня 1891, Мінск — 13 лютага 1949, Мінск) — вучоны ў галіне отарыналарынгалогіі. Доктар медыцынскіх навук (1938), прафесар (1938).

Біяграфія

Нарадзіўся ў Мінску. У 1923 годзе скончыў медыцынскі факультэт 2-га Маскоўскага ўніверсітэта. З 1927 года асістэнт, дацэнт кафедры ў Беларускім дзяржаўным універсітэце і Мінскім медыцынскім інстытуце. У 1934—1941 гадах загадчык кафедры хвароб вуха, горла, носа ў Віцебскім медыцынскім інстытуце. У час Вялікай Айчыннай вайны кансультант ваенных шпіталяў. З 1944 года на пасадзе загадчыка кафедры ў Мінскім медыцынскім інстытуце.

Памёр у Мінску. Пахаваны на Вайсковых могілках.

Сям’я

Нарадзіўся ў сям’і Хацкеля Левіна і Рахіль Натанаўны Левітан. Сын, Віктар Рыгоравіч Карпілаў — вядомы беларускі кінарэжысёр.

Навуковая дзейнасць

Р. Х. Карпілаву належаць працы па анатоміі, пытаннях клінікі і лячэння склеромы і іншых хвароб вуха, горла і носа. Аўтар больш за 30 апублікаваных навуковых прац.

Узнагароды

Р. Х. Карпілаў узнагароджаны двума ордэнамі, у т.л. баявым, і медалямі.

Цікавыя факты

У жніўні 1946 года кіраваў лячэннем амерыканкі Рут Уолер (член місіі ЮНРРА ў БССР) на базе Мінскай бальніцы № 1;

Былы член ВКП(б). Пасля адмовы ад партбілета рыхтаваўся да арышту, якога не адбылося дзякуючы выратаванню кіраўніка НКУС БССР ад удушша рыбнай косткай, якая захрасла ў горле. Удзельнік Вялікай Айчыннай вайны.

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 96. — 10 000 экз. — ISBN 985-11-0035-8. — ISBN 985-11-0144-3 (т. 8).
• Карпілаў Рыгор Хацкелевіч // Беларуская Савецкая Энцыклапедыя. У 12 т. Т. 5. Зуйкі — Кішы / Рэдкал.: П. У. Броўка (гал. рэд.) і інш. — Мн.: БелСЭ, 1972. — С. 460. — 616 с.: іл., карты.
• Карпилов Григорий Хацкелевич // Заведующие кафедрами и профессора Минского медицинского института (1921—1996) : биографический справочник / Н. Ф. Змачинская, М. В. Мальковец, А. Н. Пересада. — Минск, 1999. — С. 241—242.
• Карпилов Григорий Хацкелевич // История медицины Беларуси в биографиях ее врачей, XVII ― 1 пол. XX вв. : биобиблиографический справочник от А до Я / Кульпанович О. А. ― Минск, 2011. — С. 197.
• Карпилов Григорий Хацкелевич // Кто есть кто в Республике Беларусь, 2001. — Минск, 2001. — Т. 2. — С. 196.

Спасылкі

• Карпилов Григорий Хацкелевич (06(18).06.1891—13.02.1949) Архівавана 30 лістапада 2022. (руск.) // Сайт Беларускага дзяржаўнага медыцынскага ўніверсітэта