Рыжкавічы

Рыжкавічы
Краіна	Беларусь
Вобласць	Магілёўская
Раён	Шклоўскі
Сельсавет	Рыжкавіцкі
Каардынаты	54°11′06″ пн. ш. 30°18′40″ у. д.HGЯO
Насельніцтва	▼566 чал. (2008);
СААТА	7258828121

Ры́жкавічы^[1] (трансліт.: Ryžkavičy, руск.: Рыжковичи) — былая вёска ў Беларусі, у Шклоўскім раёне Магілёўскай вобласці. З’яўляліся адміністрацыйным цэнтрам Рыжкавіцкага сельсавета.

Геаграфія

Знаходзіцца за 2 км у напрамку на паўднёвы ўсход ад горада Шклоў, за 28 км ад Магілёва, за 4 км ад чыгуначнай станцыі Шклоў^[2].

Гісторыя

Вёска Рыжкавічы вядомая з XVI стагоддзя. Магнаты з роду Хадкевічаў пабудавалі тут кляштар дамініканцаў, таксама існавала ўніяцкая царква Пятра і Паўла.

У часы Другой сусветнай вайны Рыжкавічы былі захоплены нямецкімі войскамі 10 ліпеня 1941 года. Яўрэяў (як мясцовых, так і са Шклова, і з блізкіх вёсак, і яўрэяў-бежанцаў з Магілёва і іншых месцаў) сагналі ў гета ў Рыжкавічах. Нацысты размясцілі тут больш за 2700 яўрэяў, частку вязняў пасля перавялі ў Шклоў. Восенню і зімой 1941 года пачаліся масавыя забойствы, у кастрычніку 1941 года гета ў Рыжкавічах было цалкам знішчана.

У сярэдзіне XX стагоддзя была знішчана мясцовая царква.

14 снежня 2007 года, разам з вёскамі Маладзёжная і Малое Зарэчча, Рыжкавічы ўвайшлі ў склад горада Шклова^[3].

Насельніцтва

1999 год — 587 чалавек.
2001 год — 607 жыхароў, 262 двары^[2].
2008 год — 239 двароў, 566 чалавек.

Цікавыя факты

Рыжкавічы вядомыя тым, што тут жыў і працаваў у 1980-я намеснікам старшыні калгаса імя Леніна і партаргам Аляксандр Лукашэнка. У сярэдзіне дзевяностых калгас заняпаў, а потым яго ліквідавалі. Дагэтуль тут жыве яго жонка Галіна.

Крыніцы

↑ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)
↑ ^а ^б БелЭн 2001.
↑ «Об изменении административно-территориального устройства Шкловского района». Решение Могилевского областного Совета депутатов от 14 декабря 2007 г. № 5-25 Архівавана 9 студзеня 2017. (руск.)

Літаратура

Рыжкавічы // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 493. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх
Радыё Свабода, Рыжкавічы: рэпартаж з вёскі, якой хутка не будзе

[1] Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)

[FOOTNOTEБелЭн2001-2] а ^б БелЭн 2001.

[3] «Об изменении административно-территориального устройства Шкловского района». Решение Могилевского областного Совета депутатов от 14 декабря 2007 г. № 5-25 Архівавана 9 студзеня 2017. (руск.)

[1]

[2]

[3]