Рыкі Ламберт

Рыкі Ламберт
Агульная інфармацыя
Нарадзіўся	16 лютага 1982(1982-02-16)[…] (43 гады) Керкбі, Ноўслі[d], Мерсісайд, Англія, Вялікабрытанія[…]
Грамадзянства	Англія
Рост	187 см
Вага	77 кг
Пазіцыя	нападаючы
Клубная кар’ера
1998—2000 Блэкпул 3 (0) 2002—2005 Стокпарт Каўнці[d] 98 (18) 2005—2006 Рочдэйл[d] 64 (28) 2006—2009 Брысталь Роверс[d] 128 (51) 2009—2014 Саўтгемптан 207 (106) 2014—2015 Ліверпул 25 (2) 2015—2016 Вест Бромвіч Альбіён 20 (1) 2016—2017 Кардыф Сіці 18 (4)
Медыяфайлы на Вікісховішчы

Ры́чард «Ры́кі» Ла́мберт (англ.: Richard «Rickie» Lambert; нар. 16 лютага 1982, Ліверпул, Англія) — англійскі футбаліст, нападнік нацыянальнай зборнай Англіі.

Біяграфія

Клубная кар’ера

Рыкі пачаў кар’еру ў клубе «Блэкпул», згуляў за каманду ўсяго тры матчы. Затым перайшоў у клуб «Маклсфілд Таўн» як вольны ігрок. У форме гэтага клуба ён з'яўляўся 44 разы і забіў 8 мячоў. У чэрвені 2002 года ён быў прададзены за рэкордныя 300 тысяч фунтаў у «Стокпарт Каўнці». За гэты клуб ён правёў 98 матчаў і забіў 18 мячоў. Пасля таго, як трэнер каманды расчараваўся ў ім, Рыкі перайшоў у «Рочдэйл» у лютым 2005 года як вольны ігрок.

У складзе «Рочдэйла» Ламберт з'явіўся 64 разы, забіўшы 28 галоў. Затым ён падпісаў кантракт з «Брыстал Роверс», гэта адбылося 31 жніўня 2006 года, у апошні дзень заявачнай кампаніі. Сума кантракту склала 200 тысяч фунтаў, на тэрмін у тры гады. 8 верасня 2008 года Ламберт падпісаў новы трохгадовы кантракт з клубам да лета 2011 года.

10 жніўня 2009 года перайшоў у «Саўтгемптан». Сума трансферу склала 1 млн фунтаў. 15 жніўня ў матчы супраць «Хадэрсфілд Таўн» Ламберт дэбютаваў за новую каманду. У гэтай жа сустрэчы ён забіў свой першы гол за клуб. Рыкі адгуляў ва ўсіх матчах першынства і забіў 36 мячоў ва ўсіх турнірах, стаўшы найлепшым бамбардзірам каманды. У другім сезоне, забіўшы 21 гол, Ламберт дапамог «Саўтгемптану» выйсці ў Чэмпіёншып. У канцы 2011 года клуб падоўжыў пагадненне з нападнікам да 2014 года. У новым сезоне Рыкі за сезон забіў 27 галоў, што дазволіла «святым» выйсці ў Прэм’ер-лігу. 19 жніўня дэбютаваў за клуб у Прэм’ер-лізе ў гульні супраць «Манчэстэр Сіці». У гэтай сустрэчы Ламберт забіў адзін з галоў. У найвышэйшай лізе англійскага футболу Рыкі працягваў забіваць за клуб. Пры гэтым за ўвесь час, што Ламберт гуляў за «святых» ён забіў 34 пенальці запар без промахаў, што з'яўляецца своеасаблівым рэкордам сярод футбалістаў. Падчас выступаў за «Саўтгемптан» Рыкі быў адным з лідараў клуба.

2 чэрвеня 2014 года Ламберт афіцыйна стаў футбалістам «Ліверпула» пасля праходжання медыцынскага агляду, падпісаўшы двухгадовы кантракт. Сума трансферу склала 4 млн фунтаў.

Міжнародная кар’ера

8 жніўня 2013 года Рыкі Ламберт упершыню быў выкліканы да складу зборнай Англіі ва ўзросце 31, у той жа дзень, яго жонка нарадзіла яму трэцяе дзіця, дачку Белу. Праз шэсць дзён ігрок забіў у дэбютным матчы сваім першым дотыкам у матчы супраць зборнай Шатландыі пасля 2 хвілін і 43 секунд пасля выхаду на замену Уэйну Руні. 12 мая 2014 года Ламберт быў уключаны ў склад зборнай на чэмпіянат свету 2014 года.

Дасягненні

«Саўтгемптан»:

• Уладальнік Трафея футбольнай лігі: 2010

Спасылкі

• На Вікісховішчы ёсць медыяфайлы па тэме Рыкі Ламберт
• Профіль на афіцыйным сайце «Брыстал Роверс»
• Статыстыка на Soccerbase