Рымскае царства

З пляцоўкі Вікіпедыя

Рымскае царства (лац.: Regnum Romanum), або Царскі перыяд Старажытнага Рыма, — найстаражытны перыяд гісторыі Старажытнага Рыма, падчас якога існавала выбарная манархія, на чале з рымскімі царамі. Традыцыйна пачынаецца з даты заснавання Рыма — 21 красавіка 753 года да н.э. і заканчваецца выгнаннем апошняга цара Тарквінія Гордага, з устанаўленнем Рымскай рэспублікі каля 509 года да н.э. Гістарычныя крыніцы аб гэтым перыядзе напісаны ўжо ў эпоху рэспублікі і імперыі і ў значнай ступені носяць легендарны характар.