Рымуні

Вёска Рымуні Краіна Беларусь Вобласць Гродзенская Раён Астравецкі Сельсавет Гудагайскі Каардынаты 54°34′16″ пн. ш. 25°46′17″ у. д. Насельніцтва ▼28 чал. (2009) Часавы пояс UTC+3 Тэлефонны код +375 1591 Аўтамабільны код 4 Рымуні на карце Беларусі ±

Рыму́ні (трансліт.: Rymuni, руск.: Рымуни) — вёска ў Астравецкім раёне Гродзенскай вобласці. Уваходзіць у склад Гудагайскага сельсавета.

Геаграфія

Знаходзіцца за 13 км на паўднёвы захад ад Астраўца, 17 км ад чыг. ст. Гудагай на лініі Маладзечна—Вільнюс.

Гісторыя

У XIX ст. вёска ў Шумскай воласці Віленскага павета Віленскай губерні Расійскай імперыі. Увходзіла ў маёнтак Кемяны. У 1860 годзе 55 рэвізскіх душ, уласнасць памешчыка Сідаровіча. У 1897 годзе ў вёсцы працавалі сукнавальня, вадзяны млын, размяшчаўся хлебазапасны магазін. У пач. XX ст. вёска ў Шумскай воласці Віленскага павета, непадалёку знаходзілася сядзіба (11 жыхароў) Камара.

У Першую сусветную вайну ў 1915 годзе мясцовасць занялі нямецкія войскі. Цягам 1919—1920 гадоў сюды заходзілі польскія войскі, бальшавікі. У 1920 годзе вёска апынулася ў складзе Сярэдняй Літвы, з 1922 года — у міжваеннай Польскай Рэспубліцы. Вёска і асада належалі да Шумскай гміны Віленска-Трокскага павета Віленскага ваяводства.

З лістапада 1939 года ў складзе БССР.

Насельніцтва

• 1897 год — 192 жыхары, 26 двароў.
• 1909 год — 230 жыхароў.
• 1909 год — 221 жыхар, 44 двары.
• 1959 год — 98 жыхароў.
• 2004 год — 48 жыхароў, 22 гаспадаркі.
• 2014 год — 48 жыхароў, 26 гаспадарак.

Славутасці

За 2 км на паўночны ўсход ад вёскі знаходзіцца археалагічны помнік — курганны могільнік, 25-30 насыпаў. Знойдзена спіральная фібула, сярэбранае кольца арбалетападобнай формы, 3 бронзавыя спіралі, жалезныя кольцы і серпападобная пласціна.

Літаратура

• Гарады і вёскі Беларусі: Энцыклапедыя. Т. 9: Гродзенская вобласць, кн. 1 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2015. — 656 с.: іл. — 2 000 экз. — ISBN 978-985-11-0839-4.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх