Рыхардс Глазупс

Рыхардс Глазупс
лат.: Rihards Glāzups
Дата нараджэння	20 мая 1920(1920-05-20)
Месца нараджэння	Рыга, Ліфляндская губерня, Расійская імперыя
Дата смерці	19 мая 1993(1993-05-19) (72 гады)
Месца смерці	Рыга, Латвія
Месца пахавання	Лясныя могілкі
Краіна	Латвія → СССР → Латвія
Альма-матар	Латвійская музычная акадэмія імя Язэпса Віталса
Музычная дзейнасць
Прафесіі	дырыжор, кампазітар
Узнагароды

Ры́хардс Гла́зупс (лат.: Rihards Glāzups; 20 мая 1920, Рыга, Латвія — 19 мая 1993, Рыга, Латвія) — латышскі дырыжор. Народны артыст Латвіі (1976). Народны артыст СССР (1981).

Біяграфія

Рыхард Глазуп нарадзіўся 20 мая 1920 года ў Рызе.

Скончыў Латвійскую кансерваторыю ў 1944 годзе па класе аргана, у 1950 годзе — па класе сімфанічнага дырыжавання, у 1952 годзе — па класе кампазіцыі ў А. П. Скултэ (раней вучыўся ў класе Я. Віталса).

З 1944 года — дырыжор, у 1967—1976 гг. — галоўны дырыжор Тэатра оперы і балета Латвійскай ССР ў Рызе.

Рыхард Глазуп памёр 19 мая 1993 года. Пахаваны ў Рызе на 1-х Лясных могілках.

Творчасць

Пад яго кіраўніцтвам пастаўлены оперы «Банюта» А. Калніньша, «Залаты конь» А. Жылінскіса, «Паданне пра нябачны горад Кіцеж і дзеву Фяўронію» М. Рымскага-Корсакава, «Заручыны ў манастыры» С. Пракоф'ева, «Лаэнгрын» Р. Вагнера, «Фідэліа» Л. Бетховена, «Прададзеная нявеста» Б. Сметаны, балеты «Навальніца вясной» А. Скултэ, «Рамэа і Джульета» С. Пракоф'ева і інш. Аўтар музычных твораў (кантат «Свету—мір!», 1962; тэма і варыяцыі для аргана і інш.).

Літаратура

• Глазуп Рыхард. Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх