Рычард Дан

Рычард Дан
Агульная інфармацыя
Поўнае імя	Рычард Патрык Дан
Нарадзіўся	21 верасня 1979(1979-09-21) (41 год) Дублін, графства Дублін, Ленстэр[d], Ірландыя
Грамадзянства	Ірландыя
Рост	188 см
Вага	95 кг
Пазіцыя	абаронца
Інфармацыя пра клуб
Клуб	завяршыў кар’еру
Клубная кар’ера
1996—2000 Эвертан 60 (0) 2000—2009 Манчэстэр Сіці 296 (7) 2009—2013 Астан Віла 95 (4) 2013—2015 Куінз Парк Рэйнджэрс 64 (1)
Нацыянальная зборная
1997—1999 Ірландыя B 2 (1) 2000—2013 Ірландыя 80 (8)
Рычард Дан на Вікісховішчы

Рычард Патрык Дан (ірл.: Risteárd Ó Duinn, англ.: Richard Patrick Dunne; нар. 21 верасня 1979, Дублін, Ірландыя) — былы ірландскі футбаліст, абаронца. Гуляў за нацыянальную зборную Ірландыі (2000—2013).

Клубная кар’ера

«Эвертан»

У школьныя гады Рычард гуляў за дублінскую каманду «Хоўм Фарм», але быў прыкмечаны скаўтамі «Эвертана» і ва ўзросце 15 гадоў пераехаў у Ліверпул у сезоне 1994/95. Наступны сезон Рычард распачаў у складзе рэзервістаў ліверпульцаў, дзе гуляў у адной камандзе з Тоні Хібертам і Леанам Османам. Напачатку 1997 падпісаў з клубам 5-гадовы кантракт і ў тым жа годзе дэбютаваў у першым складзе ва ўзросце 17 гадоў.

«Манчэстэр Сіці»

Увосень 2000 года Рычард перайшоў у склад «Манчэстэр Сіці», які ацаніў яго ў 3 мільёна фунтаў. Дан хутка ўсталяваў за сабой месца ў складзе. У першы яго сезон клуб пакінуў Прэм'ер Лігу, але пры дапамозе выбітнага трэнера Кевіна Кігана ў наступным сезоне каманда зноў вярнулася ў вышэйшы эшалён. Цудоўная і надзейная гульня прывяла Рычарда да ўзнагароды як лепшаму гульцу «Манчэстэр Сіці», якую ён атрымліваў чатыры сезону запар з 2004 па 2008 гады. З 2006 года з’яўляўся капітанам манчэстэрскага клуба. 4 ліпеня 2008 года Дан падпісаў з клубам новы кантракт і па дамове павінен быў заставацца ў ім да 2012 года. На свой 29 дзень народзінаў адзначыўся голам у гульне супраць «Портсмута», якую мяшчане выйгралі з лікам 6:0. У гэтым жа сезоне Рычард, атрымаўшы восьмую чырвоную картку ў лізе, паўтарыў рэкорд Патрыка Віейра і Данкана Фергюсана.

«Астан Віла»

Але пасля таго як у «Манчэстэр Сіці» апынуліся Кало Турэ і Джолеан Лескат, адразу пайшлі чуткі, што Дан можа пакінуць Манчэстэр і прымкнуць да «Астан Вілы», як больш даспадобага варыянту. 27 жніўня «Астан Віла» пацвердзіла сваю цікавасць да абаронцы і ў выніку Дан перайшоў у склад бірмінгемскага клуба за 5 мільёнаў фунтаў. Дэбютаваў Рычард адразу ў дэрбі з «Бірмінгем Сіці», дзе яго каманда была мацней, дзякуючы адзінаму голу Габрыэля Агбанлахора. 5 кастрычніка 2009 года Рычард Дан забіў гол сваёй былой камандзе «Манчэстэр Сіці», але быў сустрэчаны апладысментамі фанаў з Манчэстэра, бо Рычард не святкаваў свой поспех. А праз некалькі месяцаў забіў пераможны мяч падчас хатняй гульні супраць лонданскага «Чэлсі», якая скончылася з лікам 2:1.

«Куінз Парк Рэйнджэрс»

Дан далучыўся да «Куінз Парк Рэйнджэрс» 15 ліпеня 2013 года на правах вольнага агента. Па выніках сезону 2013/14 дапамог свайму клубу вярнуцца ў Прэм'ер-лігу, аднак не здолеў выратаваць ад вылету ў наступным сезоне.

31 мая 2015 года па заканчэнні кантракта пакінуў «Куінз Парк Рэйнджэрс». Некаторы час займаўся пошукам новага клуба, але ў лістападзе 2015 года абвясціў аб завяршэнні кар’еры. Пасля зыходу з футбола стаў працаваць экспертам на тэлебачанні.

Міжнародная кар’ера

Сваю першую гульню за нацыянальную зборную Ірландыі Рычард Дан правёў 26 красавіка ў таварыскай сустрэчы супраць зборнай Грэцыі ва ўзросце 20 гадоў, на той момант трэнерам каманды быў Кені Канінгем. Першы свой гол за зборную Рычард забіў ужо праз 2 месяцы пасля дэбюту, у 3 сваёй гульне. Было гэта 4 чэрвеня ў матчы супраць Мексікі.

Спасылкі

• На Вікісховішчы ёсць медыяфайлы па тэме Рычард Дан
• Статыстыка на сайце FIFA (англ.)