Рэгістан

Рэгістан
31°00′ пн. ш. 65°13′ у. д.
Размяшчэнне	Афганістан
Даўжыня	больш за 400 км
Шырыня	200 км
Плошча	40 000 км²
Гадавы ўзровень ападкаў	да 100 мм
Рэгістан
Медыяфайлы на Вікісховішчы

Рэгіста́н — пустыня на ўсходзе Іранскага нагор’я, на поўдні Афганістана.

Даўжыня больш за 400 км, шырыня да 200 км. Плошча каля 40 тыс. км². Пакатанахіленая раўніна, вышынёй ад 1500 м на ўсходзе да 800 м на захадзе. Характэрны рухомыя і замацаваныя расліннасцю (палыны, эфемеры, эфемероіды) пяскі. Клімат субтрапічны, кантынентальны, сухі (ападкаў да 100 мм за год). Па далінах рэк (Гільменд і інш.) тугайныя зараснікі. Качавая жывёлагадоўля, рэдкія аазісы.

Літаратура

• Рэгістан // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 548. — 10 000 экз. — ISBN 985-11-0035-8. — ISBN 985-11-0216-4 (т. 13).