Рэпаблікан

Рэпаблікан
англ. Republican River
Характарыстыка
Даўжыня	729 км
Басейн	64 491 км²
Расход вады	24 м³/с (у 5 км вышэй вусця)
Вадацёк
Выток
• Каардынаты	40°01′12″ пн. ш. 101°56′16″ з. д.
Вусце	Рака Канзас
• Месцазнаходжанне	рака Канзас
• Вышыня	318 м
• Каардынаты	39°03′36″ пн. ш. 96°48′05″ з. д.
Размяшчэнне
Водная сістэма	Канзас → Місуры → Місісіпі → Мексіканскі заліў
Краіна	ЗША
— выток, — вусце
Медыяфайлы на Вікісховішчы

Рэпаблікан (англ.: Republican River) — рака на поўдні штата Небраска і на поўначы штата Канзас, ЗША. Разам са Смокі-Хіл з’яўляецца адным з двух прытокаў ракі Канзас, якая нясе свае воды ў раку Місуры.

Каля 729 км у даўжыню. Бярэ пачатак ад зліцця рэк Норт-Форк і Арыкары на поўнач ад вёскі Хайглер, акруга Данды штата Небраска. Зліваецца з ракой Саўт-Форк на паўднёвы ўсход ад горада Бенкельман. Цячэ пераважна ва ўсходнім і паўднёва-ўсходнім напрамках. Зліваецца з ракой Смокі-Хіл паблізу горада Джанкшэн-Сіці, у акрузе Гіры штата Канзас, фармуючы раку Канзас. На берагах ракі размешчаны такія населеныя пункты як: Мак-Кук, Клей-Сентэр, Канкордыя і Джанкшэн-Сіці.

Рака атрымала назву (літаральна — «Рэспубліканская рака») ад індзейскага племя Паўні, якое белыя пасяленцы называлі «рэспубліканцамі». Размеркаванне вады ракі рэгулюецца пагадненнем паміж штатамі Небраска, Канзас і Каларада. Буйныя паводкі здараліся ў 1902 і 1935 гадах.