Рэспубліканскі фестываль нацыянальных культур

З пляцоўкі Вікіпедыя
Jump to navigation Jump to search
Рэспубліканскі фестываль нацыянальных культур
у Гродне
лагатып
фота
Падчас ХІ Рэспубліканскага фестывалю нацыянальных культур (злева: цыганскі (рома) падворак; па цэнтру: банер з назвай фестывалю)
Асноўная інфармацыя
Жанр народная музыка, фальклор
Гады правядзення 1996 — наш час
Краіна Flag of Belarus.svg Беларусь
Горад Гродна
Заснавальнікі Гродзенскі гарвыканкам
Мова песень беларуская, руская, украінская, грузінская і інш.
Трансляцыя АНТ

Рэспубліканскі фестываль нацыянальных культур — фестываль дыяспар Беларусі, які адбываецца раз у два гады ў Гродне. Удзел у фестывалі прымаюць прадстаўнікі грамадскіх нацыянальна-культурных аб’яднанняў Беларусі, майстры народнай творчасці, артысты. Асаблівасцю фестывалю з’яўляецца стварэнне нацыянальных падворкаў.

Гісторыя[правіць | правіць зыходнік]

Першы фестываль[правіць | правіць зыходнік]

Першы фестываль адбыўся ў 1996 годзе. У ім прынялі ўдзел 11 нацыянальных аб’яднанняў.

Дзясяты фестываль[правіць | правіць зыходнік]

Х Рэспубліканскі фестываль нацыянальных культур (67 чэрвеня 2014 года) сабраў прадстаўнікоў 34 нацыянальнасцяў, дэбютантамі былі крымскія татары, іспанцы, італьянцы, англічане. Пачаўся форум шэсцем удзельнікаў у нацыянальных касцюмах па цэнтральных вуліцах Гродна да галоўнай сцэны на плошчы Леніна, дзе адбылася ўрачыстая цырымонія адкрыцця. Гэты фестываль стаў самым маштабным да гэтага часу па колькасці ўдзельнікаў – амаль 900[1]. Прадстаўнікамі дыяспар была закладзена «алея сяброўства» паблізу ад Каложскай царквы. Ва урачыстым шэсці і адкрыцці фестывалю прымалі удзел намеснік Прэм’ер-міністра Рэспублікі Беларусь А.А.Тозік і намеснік Кіраўніка Адміністрацыі Прэзідэнта Рэспублікі Беларусь А.В.Ліс. Адбыўся канцэрт Народнага артыста Расіі Льва Лешчанкі. Другі дзень фестывалю быў адзначаны адкрыццём памятнага знака на месцы страчанага храма, удзел у каторым акрамя кіраўнікоў праваслаўнай і каталіцкай канфесій Гродна бралі Міністр культуры Рэспублікі Беларусь Б.У.Святлоў і Міністр адукацыі Рэспублікі Беларусь С.А.Маскевіч. Мерапрыемствы фестывалю наведалі каля 200 тысяч гледачоў[2].

Адзінаццаты фестываль[правіць | правіць зыходнік]

У 2016 годзе фестываль адбыўся адзінаццаты раз, адзначыўшы дваццацігадовы юбілей. Фестываль праходзіў 4 і 5 чэрвеня 2016 года і сабраў каля 120 тысяч наведвальнікаў[3]. У свяце прынялі ўдзел прадстаўнікі каля 40 нацыянальнасцяў, паказаўшы свае танцы, песні, кухню і касцюмы на 22 падворках[4]. Распачаў працу музей Рэспубліканскага фестывалю нацыянальных культур. Адбылося адкрыццё скульптуры шахматнай фігуркі ладдзі на беразе Нёмана, непадалёк ад Старога і Новага замкаў, якую правёў старшыня Гродзенскага гарвыканкама Мечыслаў Гой.

Дванаццаты фестываль[правіць | правіць зыходнік]

Адбываўся 1—2 чэрвеня 2018 года ў Гродне, 3 чэрвеня на Аўгустоўскім канале.

Зноскі

  1. X Рэспубліканскі фестываль нацыянальных культур у Гродне. Афіцыйны сайт Рэспублікі Беларусь. Праверана 29 верасня 2016.
  2. Бывай, дзясяты фестываль! Рыхтуемся да адзінаццатага…. Міністэрства культуры Рэспублікі Беларусь. Праверана 29 верасня 2016.
  3. Дыплом XI Рэспубліканскага фестываля нацыянальных культур атрымала студэнтка гісторыка-філалагічнага факультэта. Могилёвский государственный университет имени А. А. Кулешова. Праверана 29 верасня 2016.
  4. ХІ Рэспубліканскі фестываль нацыянальных культур прайшоў у Гродне. Звязда. Праверана 29 верасня 2016.

Спасылкі[правіць | правіць зыходнік]