Рыгор Антонавіч Віткоўскі

Рыгор Антонавіч Віткоўскі
Дата нараджэння	23 жніўня 1923
Месца нараджэння	Мінск
Дата смерці	1992
Месца смерці	Мінск
Грамадзянства	СССР Беларусь
Род дзейнасці	мастак
Вучоба	Мінскае мастацкае вучылішча (1953), Беларускі дзяржаўны тэатральна-мастацкі інстытут (1959)
Уплыў	Сямён Герус, Павел Любамудраў

Рыгор Антонавіч Віткоўскі (23 жніўня 1923 года, Мінск — 1992 год, Мінск) — беларускі мастак-графік, плакатыст.

Біяграфія

Быў удзельнікам Вялікай Айчыннай вайны. У 1953 годзе скончыў Мінскае мастацкае вучылішча, у 1959 — Беларускі тэатральна-мастацкі інстытут. З гэтага ж года пачаў браць удзел у мастацкіх выстаўках.

Працаваў у графіцы — плакат, афорт. У суаўтарстве з Арленам Кашкурэвічам распрацаваў серыю плакатаў па правілам дарожнага руху.

Памёр у 1992 годзе.