Раман Міхайлавіч Цымбераў

Раман Міхайлавіч Цымбераў
Раман Міхайлавіч Цымбераў
	руск.: Роман Михайлович Цимберов
Род дзейнасці	паэт, выдавец, гандляр кнігамі, эканаміст, выкладчык універсітэта
Дата нараджэння	8 чэрвеня 1981
Месца нараджэння	Ейск, Ейскі раён[d], Краснадарскі край, РСФСР, СССР;
Дата смерці	10 лютага 2026 (44 гады)
Месца смерці	Мінск, Беларусь;
Грамадзянства	Беларусь;
Альма-матар	Мінскі інстытут кіравання (2002);

Рама́н Міха́йлавіч Цы́мбераў (руск.: Роман Михайлович Цимберов; 8 чэрвеня 1981(1981-06-08), Ейск, Краснадарскі край — 10 лютага 2026(2026-02-10), Мінск) — беларускі паэт, выдавец і кнігагандляр.

Біяграфія

Нарадзіўся 8 чэрвеня 1981 года ў Ейску (РСФСР). Амаль з нараджэння жыў у Мінску^[1]. Скончыў Мінскі інстытут кіравання ў 2002 годзе^[2] па спецыяльнасці «Таваразнавец, эканаміст-менеджар»^[3]. У 2008 годзе абараніў ступень магістра па эканоміцы^[1]. Тэматыка навуковых публікацый: кіраванне вытворчасцю, канкурэнтаздольнасць, прадпрымальніцкая дзейнасць на прадпрыемстве^[2]. Сумяшчаў камерцыйную дзейнасць з выкладаннем, працаваў выкладчыкам у каледжы і ўніверсітэце^[1].

З 2001 года працаваў у галіне кніжнага гандлю, пазней заняўся выдавецкай дзейнасцю^[⇨]. Пісаў вершы на беларускай і рускай мовах^[⇨].

Пасля палітычнага крызісу 2020 года вазіў кнігі праз беларускую мяжу ў абодва бакі. У 2024 годзе быў затрыманы па мяжы па вяртанні ў Беларусь. Некалькі сутак правёў у ізалятары часовага ўтрымання (ІЧУ)^[4].

Памёр 10 лютага 2026 года пасля раптоўнага пагаршэння здароўя: узніклі праблемы з ныркамі, пасля чаго здарыўся інсульт^[5]. Развітанне адбылося 13 лютага 2026 года^[6].

Дзейнасць

З 2001 года працаваў як індывідуальны прадпрымальнік у галіне кніжнага гандлю^[1]. Быў уладальнікам электроннай крамы мастацкай і гістарычнай літаратуры «Kniger.by»^[7]. Адміністраваў сайт для аматараў гістарычнай літаратуры «Імперыя гісторыі. Гістарычны клуб Беларусі»^[2].

Як выдавец і рэдактар, курыраваў кніжную серыю «Такая гісторыя», у якой да студзеня 2024 года выйшла каля 20 выданняў, прысвечаных гісторыі Беларусі і ваеннай гісторыі^[3]^[1]. Некалькі кніг выйшла ў серыі «Юдаіка Беларусі», прысвечанай гісторыі і культуры яўрэяў Беларусі. У 2025 годзе пачаў серыю кніг для дзяцей «Ветрачок»^[8].

Сярод значных кніг, выданых Цымберавым: «Минский тюремный замок» Дзмітрыя Дразда, «Гарачы парафін» Вінцэся Мудрова, «Купала і Колас жартуюць» Паўла Каралёва, збор твораў Кастуся Севярынца, дзіцячая кніга «Дзедавы казкі» Дзеда Янкеля (Ігара Гайкевіча)^[7].

24 студзеня 2024 года Міністэрства інфармацыі Беларусі прыпыняла на месяц дзеянне пасведчання Рамана Цымберава на права выпуску друкаваных выданняў^[7].

У Беларусі змянілася заканадаўства, з 2026 года індывідуальныя прадпрымальнікі не могуць выдаваць кнігі, у сярэдзіне снежня 2025 года Цымбераў заснаваў ТАА «Дыграф». У выдавецтве паспела выйсці кніга вершаў «Каляндар на імгненне» Алеся Дуброўскага-Сарочанкава^[4].

Творчасць

Аўтар вершаў на беларускай і рускай мовах^[1]. Выйшла чатыры зборнікі паэзіі Рамана Цымберава — «Мышыны кароль» (2006), «Гісторыя хваробы» (2011), «Трэці сшытак» (2017), «На вуліцах Вавілона. Курэцкая варта» (2021, на рускай)^[1]. «На вуліцах Вавілона. Курэцкая варта» — двухбаковы зборнік (кніжка-перакрутка), змяшчае вершы 2015—2018 гадоў^[3].

У суаўтарстве з дачкой Эміліяй выдаў зборнік вершаў для дзяцей «Рознакаляровыя сняжынкі»^[3].

Даследчыкі адзначаюць, што Цымбераў, які паходзіць з іншага моўнага і геаграфічнага асяроддзя, арганічна далучыўся да сучаснага беларускага літаратурнага працэсу^[3].

Крыніцы

↑ ^а ^б ^в ^г ^д ^е ^ё Цымбераў Раман Міхайлавіч (бел.)(недаступная спасылка). lit-bel.org. Архівавана з першакрыніцы 23 снежня 2024. Праверана 25 студзеня 2026.
↑ ^а ^б ^в Цымбераў, Раман Міхайлавіч (выдавец ; паэт ; нар. 1981) (нявызн.). unicat.nlb.by. Праверана 25 студзеня 2026.
↑ ^а ^б ^в ^г ^д 2021-ы ў кнігах. Літаратурны каляндар: верасень (бел.). Радыё Свабода (4 верасня 2021). Праверана 25 студзеня 2026.
↑ ^а ^б Чалавек з валізкамі кніг. Якім быў кніганоша, выдавец і паэт Раман Цымбераў (бел.). Радыё Свабода (10 лютага 2026). Праверана 11 лютага 2026.
↑ Пасля імклівай хваробы памёр 44-гадовы выдавец Раман Цымбераў (бел.). Наша Ніва (10 лютага 2026). Праверана 10 лютага 2026.
↑ У Мінску развіталіся з выдаўцом і паэтам Раманам Цымберавым — фотафакт (нявызн.). Reform.news (13 лютага 2026). Праверана 14 лютага 2026.
↑ ^а ^б ^в Мінінфарм прыпыніў дзейнасьць Рамана Цымберава, аднаго з апошніх незалежных выдаўцоў у Беларусі (бел.). Радыё Свабода (24 студзеня 2024). Праверана 25 студзеня 2026.
↑ Новую серыю кніг для дзяцей распачалі казкай Бураўкіна – Белліт (бел.) (23 ліпеня 2025). Праверана 25 студзеня 2026.

Спасылкі

Цимберов, Роман. Цимберов Роман. Стихи (руск.). mishpoha.org. Праверана 25 студзеня 2026.
kniger.by

[partret-1] а ^б ^в ^г ^д ^е ^ё Цымбераў Раман Міхайлавіч (бел.)(недаступная спасылка). lit-bel.org. Архівавана з першакрыніцы 23 снежня 2024. Праверана 25 студзеня 2026.

[:0-2] а ^б ^в Цымбераў, Раман Міхайлавіч (выдавец ; паэт ; нар. 1981) (нявызн.). unicat.nlb.by. Праверана 25 студзеня 2026.

[kalendar21-3] а ^б ^в ^г ^д 2021-ы ў кнігах. Літаратурны каляндар: верасень (бел.). Радыё Свабода (4 верасня 2021). Праверана 25 студзеня 2026.

[:1-4] а ^б Чалавек з валізкамі кніг. Якім быў кніганоша, выдавец і паэт Раман Цымбераў (бел.). Радыё Свабода (10 лютага 2026). Праверана 11 лютага 2026.

[5] Пасля імклівай хваробы памёр 44-гадовы выдавец Раман Цымбераў (бел.). Наша Ніва (10 лютага 2026). Праверана 10 лютага 2026.

[6] У Мінску развіталіся з выдаўцом і паэтам Раманам Цымберавым — фотафакт (нявызн.). Reform.news (13 лютага 2026). Праверана 14 лютага 2026.

[prypyniennie-7] а ^б ^в Мінінфарм прыпыніў дзейнасьць Рамана Цымберава, аднаго з апошніх незалежных выдаўцоў у Беларусі (бел.). Радыё Свабода (24 студзеня 2024). Праверана 25 студзеня 2026.

[8] Новую серыю кніг для дзяцей распачалі казкай Бураўкіна – Белліт (бел.) (23 ліпеня 2025). Праверана 25 студзеня 2026.

[1]

[2]

[3]

[4]

[5]

[6]

[7]

[8]

Фота, відэа і аўдыё	Instagram
Нарматыўны кантроль	VIAF: 69170924369190150947, 70171973901918031062