Касцёл Святых Пятра і Паўла (Каўнас)

З Вікіпедыі, свабоднай энцыклапедыі
Славутасць
Сабор Святых Пятра і Паўла
Kauno Šv. apaštalų Petro ir Povilo arkikatedra bazilika
54°53′49,20″ пн. ш. 23°53′20,40″ у. д.HGЯO
Краіна  Літва
Горад Каўнас
Канфесія Рымска-Каталіцкая царква
Епархія Каўнаская архідыяцэзія
Благачынне Q12659968?
Тып будынка базіліка
Архітэктурны стыль готыка
Дата заснавання 1413
Будаўніцтва 14131655 гады
Вышыня 28 м
Матэрыял цэгла
Стан дзеючы храм
Сайт kaunoarkikatedra.lt
Map
Лагатып Вікісховішча Медыяфайлы на Вікісховішчы

Сабор Святых Пятра і Паўла (літ.: Kauno Šv. apaštalų Petro ir Povilo arkikatedra bazilika) — каталіцкі храм у горадзе Каўнас (Літва), размешчаны па адрасе Вільняус гатве, 26. Помнік гатычнай архітэктуры XVXIX стагоддзяў. З'яўляецца кафедральным саборам Каўнаскай архідыяцэзіі, а таксама мае статус малой базілікі. Касцёл Святых Пятра і Паўла з'яўляецца самым вялікім каталіцкім храмам у Літве і адзінай у краіне гатычнай базілікай.

Гісторыя[правіць | правіць зыходнік]

Будаўніцтва храма пачалося ў 1413 годзе. У 1624 годзе былі пабудаваны галоўны неф і вежы, пры гэтым храму былі нададзены барочныя рысы. Будаўніцтва храма было канчаткова завершана ў 1655 годзе.

У 1800 годзе рэстаўраваны, дабудавана вежа на галоўным фасадзе. З 1808 па 1864 год касцёл належаў аўгусцінскаму ордэну. З 1865 года храм з'яўляецца кафедральным саборам Каўнаскай архідыяцэзіі.

У 1921 годзе Папа Рымскі Бенедыкт XV прысвоіў храму статус малой базілікі.

Архітэктура[правіць | правіць зыходнік]

Алтарная частка з сотавымі скляпеннямі

Храм мае ў даўжыню 84 метра і ў шырыню 34 метра. Ад першапачатковага гатычнага касцёла больш-менш захавалася бадай што толькі ўсходняя частка: апсіда і прэзбітэрый. Іх даволі тонкія сцены ўмацаваны гранёнымі контрфорсамі, перакрыцце ўтвараюць вытанчаныя познегатычныя сотавыя скляпенні. Вежа на галоўным фасадзе храма так званага «сармацкага» тыпу мае больш позняе паходжанне.

Інтэр'ер[правіць | правіць зыходнік]

Інтэр'ер касцёла

Інтэр'ер упрыгожаны абразамі мастакоў Іагана Готарда Бергофа і Міхала Андрыёлі. Галоўны алтар царквы, аўтарства скульптара Томаша Падгайскага, датуецца 1755 годам.

У крыпце храма пахаваны біскуп Мацеюс Валанчус, кардынал Вінцантас Сладкявічус і літоўскі паэт Майроніс.

Літаратура[правіць | правіць зыходнік]

Спасылкі[правіць | правіць зыходнік]