Савет бяспекі Рэспублікі Беларусь

Палітыка — Партал:Палітыка

Беларусь

Гэты артыкул — частка серыі: Палітычная сістэма Беларусі

Дзяржаўны лад Канстытуцыя Беларусі Прэзідэнт Беларусі Аляксандр Лукашэнка Адміністрацыя прэзідэнта Савет Міністраў Прэм’ер-міністр Раман Галоўчанка Міністр замежных спраў Уладзімір Макей Міністр абароны Віктар Хрэнін Савет бяспекі Андрэй Раўкоў Нацыянальны сход Савет Рэспублікі Члены Савета Рэспублікі Старшыня Савета Рэспублікі Наталля Качанава Палата прадстаўнікоў Дэпутаты Палаты прадстаўнікоў Старшыня Палаты прадстаўнікоў Уладзімір Андрэйчанка Судовая сістэма Канстытуцыйны Суд Вярхоўны Суд Генеральная пракуратура Адміністрацыйная сістэма Адміністрацыйны падзел Выбары Палітычныя партыі Рэферэндумы: 1995 • 1996 • 2004 Парламенцкія выбары: 1995 • 2000 • 2004 • 2008 • 2012 • 2016 • 2019 Прэзідэнцкія выбары: 1994 • 2001 • 2006 • 2010 • 2015 • 2020 Унутраная палітыка Знешняя палітыка Міжнародныя арганізацыі

Саве́т бяспе́кі Рэспу́блікі Белару́сь — міжведамасная нарада Беларусі, упаўнаважаная распрацоўваць узгодненыя захады падтрымання бяспекі дзяржавы. Разглядае ўнутраныя і знешнія справы дзяржавы датычна зацікаўленасцей бяспекі і абароны. Ухваляе пастановы аб бяспецы дзяржавы і грамадзян. Узначальваецца і ўтвараецца прэзідэнтам, які падпісвае яго пастановы. У яго склад уваходзяць 20 асоб: прэзідэнт, прэм'ер, старшыні Палаты прадстаўнікоў і Савету рэспублікі, старшыня Вярхоўнага суда, кіраўнік Адміністрацыі прэзідэнта, дзяржаўны сакратар, генеральны пракурор, старшыня Нацыянальнага банка, старшыні Камітэтаў дзяржаўнай бяспекі і дзяржаўнага кантролю, міністры абароны, замежных і ўнутраных спраў, па надзвычайных сітуацыях, старшыні следчага, дзяржаўных ваенна-прамысловага і пагранічнага камітэтаў, начальнік Генеральнага штаба Узброеных сіл і старэйшы сын прэзідэнта Віктар Лукашэнка ў якасці памочніка па нацыянальнай бяспецы. Дзейнасць забяспечвае сакратарыят.

Пры СБ дзейнічаюць камісіі:

• Міжведамасная камісія па абароне дзяржаўных таямніц;
• Міжведамасная камісія па ваенна-тэхнічнаму супрацоўніцтву і экспартнаму кантролю;
• Дзяржаўныя камісія па радыёчастотам;
• Міжведамасная камісія па бяспецы ў эканамічнай сферы.

Паўнамоцтвы

Паводле Закону аб абароне, СБ мае паўнамоцтвы на:

• унясенне прапаноў прэзідэнту аб напрамках кіравання войскам і развіцці Узброеных сіл, зменах ваеннай дактрыны;
• забеспячэнне ўстойлівага дзеяння войска;
• унясенне на зацвярджэнне прэзідэнту будовы і колькасці Узброеных сіл;
• прапанову прэзідэнту аб увядзенні, падаўжэнні і скасаванні ваеннага і надзвычайнага становішчаў;
• узгадненне пераводу гаспадаркі на працу ва ўмовах ваеннага часу;
• заслухоўванне справаздач кіраўнікоў ведамстваў аб абароне;
• вызначэнне напрамкаў міжнароднай ваеннай дзейнасці і задач па развіцці саюзных адносін з іншымі дзяржавамі.

Гісторыя

15 лістапада 1991 г. Вярхоўны Савет Рэспублікі Беларусь (ВС) ухваліў Пастанову № 1249, якой утварыў Савет бяспекі ў складзе 14 асоб: старшыня ВС, яго першы намеснік і старшыня Камісіі ВС па нацыянальнай бяспецы, старшыня ўрада, генеральны пракурор, старшыня КДБ, міністры абароны, замежных і ўнутраных спраў, сувязі і транспарту, начальнікі Беларускай чыгункі і ўправы грамадзянскай авіяцыі, загадчык войскаў Беларускай ваеннай акругі. Старшыня ВС займаў пасаду старшыні СБ і прызначаў сабе памочніка ў якасці кіраўніка апарату СБ, які налічваў 4 супрацоўнікі. Пасяджэнні склікаліся двойчы на год. У 1992–1994 гг. СБ узначальваў Станіслаў Шушкевіч, затым Мечыслаў Грыб. Паводле прынятай у 1994 г. Канстытуцыі СБ узначаліў прэзідэнт. 5 жніўня 1994 г. А. Лукашэнка ўвёў Указам № 24 у склад СБ кіраўніка Адміністрацыі прэзідэнта і дзяржаўнага сакратара СБ замест старшыні ВС і старшыні камісіі ВС па нацыянальнай бяспецы. Пасяджэнні сталі праводзіцца кожныя тры месяцы. У 1997 г. апарат СБ, на чале якога стаяў прызначаны прэзідэнтам дзяржаўны сакратар, пераназвалі ў сакратарыят.

Пасля таго, як Станіслаў Зась быў прызначаны генеральным сакратаром АДКБ, і пачаў выконваць абавязкі з 1 студзеня 2020 г., пасада дзяржаўнага сакратара была вакантна да 20 студзеня, калі быў прызначаны экс-міністр абароны Андрэй Раўкоў.

Дзяржаўныя сакратары

• Віктар Шэйман (1994—2000)
• Урал Латыпаў (27 лістапада 2000 — 2001)
• Генадзь Нявыглас (12 верасня 2001 — 2008)
• Юрый Жадобін (15 ліпеня 2008 — 2009)
• Леанід Мальцаў (4 снежня 2009 — 2013)
• Аляксандр Мяжуеў (5 снежня 2013 — 2015)
• Станіслаў Зась (4 лістапада 2015 — 31 снежня 2019)
• Андрэй Раўкоў (з 20 студзеня 2020)

Спасылкі

• Мяжуеў Аляксандр Веньямінавіч. Беларускае тэлеграфнае агенцтва. Праверана 13 красавіка 2014.